Velkomin í Síðuskóla

Foreldrafélagið stendur fyrir jólakortagerð nk. laugardag 19. nóvember. Líkt og í fyrra mun Bára Waag koma með efni í jólakortin en fyrir þá sem ekki vita, er hún með sérstaka skurðarvél sem sker út hin ýmsu mynstur (sjá nánar facebook síðu hennar - Handverk Báru).

Við höfum ákveðið að skipta í tvo hópa eftir aldri. 
Kl. 11:00 - 13:00 koma 1. - 4. bekkur
Kl. 14:00 - 16:00 koma 5. - 10. bekkur

Bára selur efnið gegn vægu verði.
Í boði fyrir yngri nemendur (1. - 4. bekk) verða stimplaðar myndir sem börnin líma á kort. Hægt er að fá 5 kort á kr. 150,- eða 10 kort á kr. 300,- Kortið er innifalið í verðinu.
ATH. börnin þurfa að taka með sér liti og lím.

Í boði fyrir eldri nemendur (5. - 10. bekk) verður nokkurs konar bland í poka af alls kyns útskornum munstrum. Jafnvel verður hægt að fá stimplaðar myndir. Bland í poka 5 stk. kr. 500,- og bland í poka 10 stk. kr. 1.000,- Allt efni er innifalið, nema nemendur þurfa að taka með sér liti og lím.

Til að hægt sé að afgreiða alla sem taka vilja þátt vil ég biðja ykkur að senda póst á netfangið foreldrafelagsiduskola@akmennt.is og látið vita hve mikið þið viljið fá. Taka þarf fram nafn barns og bekk og hve mikið af kortagerðarefni barnið vill fá. Pöntun þarf að hafa borist í síðasta lagi þriðjudaginn 15. nóvember svo Bára hafi tíma til að skera allt efnið út.

Við vonumst til að sjá ykkur eftir viku.
ATH. að sjálfsögðu er foreldrum velkomið að koma með. Ef eldri systkini vilja aðstoða þau yngri þá mega þau að sjálfsögðu koma með þeim þó við höfum skiptinguna svona.  Hún er einungis hugsuð til að koma í veg fyrir troðning.


Síðuskóli
Stjórn foreldrafélags

Komið þið sæl.

Loksins eru skólafötin komin.  Þeir sem eiga ósóttar pantanir geta sótt þær í matsalinn milli klukkan 17:30 og 18:30 mánudaginn 10. nóv.

Kær kveðja
Stjórn FOKS

Frá Foreldrafélaginu.

Við ætlum að afhenda síðustu gallana í næstu viku og auglýsum það á heimasíðunni.

Stjórn FOKS

Nú fara skólafötin að koma og samkvæmt nýjustu fréttum ættu þau að koma snemma í næstu viku. Við biðjum foreldra að sýna þolinmæði og munum senda út tilkynningu þegar þau koma.

Aðalfundur FOKS gekk vel og situr stjórnin áfram.

Í nýjustu dagskránni er auglýsur fundur fyrir foreldra á Akureyri um hlutverk foreldra í kynfræðslu barna. Við hvetjum alla foreldra til að mæta á þann fyrirlestur í Brekkuskóla.

Að lokum viljum við minna á foreldrasamningana. Þá er hægt að nálgast hjá Siggu Bjarna á D- gangi eða tala við Svövu ritara.