Síðuskóli – Comeniusverkefni
Í ár eins og í fyrra er Síðuskóli þátttakandi í Comeniusarverkefni sem heitir litir eða „colors“. Við erum í samstarfi við Ítala, Slóvena, Norðmenn og Þjóðverja í þessu verkefni. Reynt er að tengja liti við hin ýmsu hugtök og hluti og þeir skoðaðir frá nýjum hliðum t.d. var eitt þema í fyrra litir og þjóð. Þá veltum við fyrir okkur litum á vegabréfum, fánum, skjaldarmerkjum og fleiru sem einkenndi ákveðinn hóp frá öðrum. Í ár er þemað litir og náttúrufræði / vísindi. Farið verður til Þýskalands í byrjun nóvember með nokkra nemendur og þar kynna þeir þau verkefni sem þeir hafa unnið. Kynningin þar verður samstarfsverkefni milli nemenda frá þátttökulöndunum. Þetta starf hefur gengið mjög vel það sem af er og gefur nemendum og kennurum færi á að kynnast alþjóðasamstarfi og læra hverjir af öðrum. Nemendur sem hafa farið út á vegum skólans hafa undantekningarlaust staðið sig frábærlega bæði í starfi og leik á erlendri grundu.
