Náms- og starfsráðgjafi
Náms- og starfsráðgjafi Síðuskóla er Þuríður Anna Hallgrímsdóttir
Skrifstofa náms- og starfsráðgjafa er við íþróttahús, á sama gangi og hjúkrunarfræðingur.
Náms- og starfsráðgjafi starfar í þágu nemenda og er trúnaðar- og talsmaður þeirra.
Náms- og starfsráðgjafi er við alla daga vikunar. Ekki er nauðsynlegt að bóka viðtal fyrirfram en það er betra. Nemendur eru hvattir til að líta inn, vanti þá ráðgjöf eða vilji spjalla og er opinn tími hjá náms- og starfsráðgjafa alla daga frá kl. 11-11:30. Hægt er að bóka viðtal með tölvupósti (thuriduranna@akmennt.is),í síma 4622588 eða hjá ráðgjafanum sjálfum.
Hlutverk náms- og starfsráðgjafa er að vinna með nemendum, forráðamönnum, kennurum og öðrum sérfræðingum innan og utan skólans að ýmiss konar velferðarstarfi er snýr að námi, líðan og framtíðaráformum nemenda.
Allir nemendur og forráðamenn þeirra eiga kost á að nýta sér þjónustu náms- og starfsráðgjafa.
Námsráðgjafinn er bundin þagnarskyldu varðandi þær upplýsingar sem honum er trúað fyrir í starfi sínu. Námsráðgjafinn getur aðeins rætt trúnaðarmál við aðra hafi nemandi veitt samþykki fyrir því eða ef námsráðgjafinn telur að líf og heilsa nemandans sé í húfi.
Helstu verkefni náms- og starfsráðgjafa:
v Persónuleg
ráðgjöf og stuðningur
Persónuleg ráðgjöf felst
í að veita nemendum og forráðamönnum þeirra ýmiss konar aðstoð og stuðning til þess að nemendur eigi auðveldara með að
ná settum markmiðum í námi sínu.
Persónuleg mál nemenda geta verið af ýmsum toga s.s. félagsleg, námsleg, tilfinningaleg eða
tengd samskiptum. Námsráðgjafinn aðstoðar nemendur við að leita lausna og veitir þeim stuðning.
v Námstækni.
Námstækni er bætt skipulag í námi og geta
allir nýtt sér slíkt ef vilji er fyrir hendi.
Ávinningur af því að koma
sér upp góðri námstækni er:
Skipulagðari vinnubrögð
Tímasparnaður
Minni námskvíði
Aukinn námsárangur
Námsráðgjafi kynnir námstækni fyrir nemendum með það að markmiði að þeir kynnist hugsun, viðhorfum, aðferðum og námsvenjum sem hafa reynst árangursríkar. Mikilvægt er að nemendi vilji sjálfur bæta eða breyta námsaðferðum sínum en slíkt hugarfar er nauðsynleg forsenda góðs árangurs í námstækni.
Hér er hægt að nálgast tímatöflu sem er gott að hafa til að skipuleggja hvaða tíma á nota fyrir heimanámið og önnur verkefni.
v Náms- og starfsfræðsla.
Náms- og starfsfræðsla miðar að því að kynna nám og störf fyrir nemendum. Tilgangurinn er að auðvelda þeim val um nám og störf að loknum grunnskóla og auka líkur á að hver og einn velji sér nám sem honum líkar og hentar.
Lögð er áhersla á að nemendur efli og þroski þekkingu á sjálfum sér, námsleiðum sem í boði eru og störfum í atvinnulífinu.
Aðstoð námsráðgjafa felst m.a. í: verkefnum sem efla þekkingu nemenda á gildismati sínu, viðhorfum og hæfileikum (t.d. áhugasviðsgreiningar) en einnig í hópráðgjöf og einkaviðtölum. Einnig veitir náms – og starfsráðgjafinn upplýsingar um skóla, námsleiðir, störf og atvinnulíf.
v Forvarnir.
Fyrirbyggjandi aðgerðir með fræðslu af ýmsu tagi.
