Fréttir | Síðuskóli

1. bekkur haustið 2026

Thu, 04 Jun 2026 13:21:00 +0000

Það voru glaðir og hressir krakkar sem komu í heimsókn í gær í Síðuskóla. Þau ætla nefnilega að byrja í 1. bekk í haust og var spenningurinn mikill að koma og skoða skólann og sjá hvernig allt lítur út hjá okkur. Foreldrar og forráðamenn fengu smá kynningu á skólanum og allir sem byrja í 1. bekk fá húfu merkta skólanum og svo fengu þau líka ís í tilefni dagsins. Það var virkilega gaman að fá hópinn til okkar og ekki annað að sjá en að allir væru tilbúnir að hefja skólagöngu í ágúst. Sjá myndir hér.

Brunaæfing í Síðuskóla

Tue, 02 Jun 2026 13:24:00 +0000

Í morgun var haldin brunaæfing í Síðuskóla. Það er mjög mikilvægt að æfa sig í að bregðast við ef það skyldi í alvörunni kveikna í skólanum. Æfingin gekk mjög vel, allir fóru rólega út og stilltu sér upp í röð á skólalóðinni hjá rólunum. Þegar búið var að telja og tryggja að allir nemendur og starfsmenn voru komnir út úr húsi fóru allir til sinna starfa aftur. Fulltrúar frá Slökkviliðinu komu líka til að fylgjast með að við gerðum rétt og leiðbeindi. Þetta er líka gert til að prófa kerfið og vera viss um að það virki eins og þá á að virka.

Hreinsun skólalóðar

Tue, 02 Jun 2026 12:56:00 +0000

Í Síðuskóla skipta árgangar með sér mánuðunum í lóðarhreinsun skólans. Góða veðrið í gær nýttu krakkarnir 6. bekk þegar þau fóru um allt og inn í beð að hreinsa upp rusl sem fýkur til okkar. Glaðir og duglegir krakkar einsog sjá má hér.

Skólaslit Síðuskóla 2026

Mon, 01 Jun 2026 11:14:00 +0000

Skólaslit Síðuskóla verða þriðjudaginn 9. júní. Árgangar mæta í heimastofur og fara saman í sal. Þar kveður skólastjórinn fyrir hönd skólans og síðan fara nemendur í sínar heimastofur þar sem hópurinn er kvaddur. Foreldrar eru að sjálfsögðu velkomnir með sínum börnum. Við miðum við að skólinn sé í eina klukkustund. Klukkan 9:00 1.-5. bekkur Klukkan 10:00 6.-9. bekkur Útskrift 10. bekkjar kl. 15:00 í Glerárkirkju og kaffi í skólanum á eftir fyrir nemendur, fjölskyldur þeirra og starfsfólk.

Áskorun drengja í 10. bekk

Thu, 28 May 2026 14:20:00 +0000

10. bekkur skoraði á starfsfólk skólans að keppa við sig í þremur keppnisgreinum nú undir skólalok. Það var komið að drengjunum að keppa við karlana úr starfsliðinu í bandý og fótbolta. Ansi hart var barist en drengirnir urðu að lúta í lægra haldi fyrir ansi öflugu liði starfsmanna í báðum keppnum. Karlarnir gersigruðu bandýið en það mátti reyndar tæpara standa með boltann, þar kom Óli nokkur sterkur inn með eina mark leiksins. Keppnirnar voru báðar afar skemmtilegar og komu áhorfendur að sjálfsögðu sterkir inn þar sem unglingarnir studdu sína drengi dyggilega en yngri bekkir stóðu við bakið á starfsmönnum og hjálpuðu öruggulega til með sigrana. Á myndum má sjá gríða góða stemningu í íþróttahúsinu enda afar ánægjulegt að koma saman og leika sér svona undir lok dags.

Nemendur Síðuskóla heimsóttu granna sína á Lögmannshlíð

Tue, 26 May 2026 14:13:00 +0000

Síðastliðinn föstudag heimsóttu nemendur úr 5., 6. og 7. bekk heimsækja nágranna sína í Lögmannshlíð, hjúkrunarheimili Heilsuverndar. Þessi frábæri hópur stóð fyrir kaffisölu á Barnamenningarhátíð og ákvað að færa íbúunum allan hagnaðinn, sem nemur 85.000 krónum, að gjöf. Heimsóknin var afar vel heppnuð í blíðskaparveðrinu. Ungir sem aldnir komu saman í garðinum þar sem nemendur sungu. Sjá frétt á heimasíðu akureyri.net.

Áskorun stúlkna í 10. bekk

Thu, 21 May 2026 14:01:00 +0000

10. bekkur skoraði á starfsfólk skólans að keppa við sig í þremur keppnisgreinum nú undir skólalok. Stúlkurnar riðu á vaðið í dag og kepptu við valið lið kvenkennara við skólann í blaki og fótbolta. Báðar keppnir voru æsispennandi og allt lagt í sölurnar. Niðurstaðan var sú að kennarar sigruðu blakleikinn, enda landsþekktar kempur úr öldungablakinu í liði kennara, en 10. bekkjar stúlkur áttu stórsigur í fótboltanum þar sem hraði og snerpa (annars liðsins) skipti sköpum. Nemendur mættu vel stemmdir til leiks og hvöttu bæði lið áfram. Sérstaka athygli vakti galvaskt stuðningslið drengja í 10. bekk sem mætti prúðbúið og hvatti sínar bekkjarsystur dyggilega. Í næstu viku munu svo drengirnir keppa við karlkyns starfsmenn í fótbolta og bandý og ætla má að sú keppni verði ekki síður skemmtileg. Hér má sjá fleiri myndir frá keppni dagsins.

Fiðlutónleikar

Mon, 11 May 2026 13:12:00 +0000

Á föstudaginn fengum við skemmtilega heimsókn frá Tónlistarskóla Akureyrar. Nokkrir nemendur léku á fiðlur fyrir 1. - 3. bekk. Afar skemmtileg heimsókn og hæfileikaríkir krakkar þar á ferð. Sjá myndir hér.

Samstarfsverkefni Síðuskóla, Krógabóls og Hulduheima

Mon, 11 May 2026 12:57:00 +0000

Á fimmtudaginn fengum við í Síðuskóla góða heimsókn frá elstu nemendum Krógabóls og Hulduheima. Þeir og nemendur 1. bekkjar hafa unnið saman verkefni um íslensku húsdýrin. Hér á myndum má sjá iðna og duglega nemendur, ásamt afrakstrinum á plakati á ganginum þar sem öll dýrin fengu stað til að búa, sum hver óhefðbundna staði :) Myndir

Litla upplestrarkeppnin

Fri, 08 May 2026 10:19:00 +0000

Litla upplestrarkeppni 4. bekkjar var haldin á sal í gær. Keppnin er uppskeruhátíð nemenda, foreldra og kennara sem hafa unnið í samvinnu og markvisst með íslenska tungu og upplestur síðan keppnin var sett formlega á Degi íslenskrar tungu, 16. nóvember síðastliðinn. Það er skemmst frá því að segja að nemendur stóðu sig hreint frábærlega og fluttu þulur og bundið mál bæði í söng og framsögn. Það var virkilega ánægjulegt að hlýða á og greinilegt að þau hafa æft sig vel í vetur. Sumum finnst skrýtið að nota orðið “keppni” þar sem enginn einn stendur uppi sem sigurvegari. Mikilvægt er að muna að keppnishugtakið í þessu verkefni felur einungis í sér að verða betri í lestri og framkomu í dag en í gær. Það er mikilvægt að geta bæði keppt að betri árangri og sett sér markmið án samkeppni við aðra en sjálfan sig. Litla upplestrarkeppnin er afkvæmi Stóru upplestrarkeppninnar eða Upphátt eins og hún er kölluð á Akureyri. Góðar fyrirmyndir eru mikilvægar og því voru fulltrúar okkar í þeirri keppni, þær Aníta og Vilborg úr 7. bekk, fengnar til að lesa upp að þessu tilefni. Sjá myndir hér.

Síðuskóli í 3. sæti í Fiðringnum !

Thu, 07 May 2026 11:25:00 +0000

Frábær frammistaða í gærkvöldi skilaði Síðuskóla 3. sæti í Fiðringnum í ár. Innilega til hamingju með glæsilega frammistöðu á atriðinu "Opnum dyrnar" sem varpar ljósi á erfiðleika og fordóma í garð innflytjenda og hversu sárt og erfitt það getur verið að þurfa að yfirgefa heimili sín. Við sendum jafnframt hamingjuóskir til þeirra níu skóla sem tóku þátt með frábær framlög enda eru allir sigurvegarar sem leggja á sig þessa miklu vinnu og koma fram. Það var svo lið Borgarhólsskóla sem bar sigur úr bítum með atriðið "Ég er ekki lygari" sem fjallar um það hvernig þolendum kynferðisofbeldis er oft ekki trúað. Í öðru sæti var Brekkuskóli með atriðið "Saknaðarsöngur" sem fjallar um að ef við pössum okkur ekki gæti tæknin tekið yfir og farið að stjórna okkur mannfólkinu. Sérstök verðlaun fyrir skemmtilega, vandaða eða skapandi notkun á íslensku hlaut Grunnskóli Húnaþings vestra. Frábær vettvangur sviðslista að festa sig í sessi. Hér má sjá myndir.

Síðuskóli tekur þátt í Fiðringi

Tue, 05 May 2026 08:44:00 +0000

Fiðringur á Norðurlandi er annað kvöld, miðvikudagskvöld 6. maí kl. 20. Miðasala fer fram á tix.is Fiðringur er hæfileikakeppni fyrir nemendur í 8. - 10. bekk á Norðurlandi. Í ár taka 10 skólar þátt, allt frá Hvammstanga til Húsavíkur, og fer keppnin fram í Hofi miðvikudaginn 6. maí kl. 20. Nemendur í Síðuskóla hafa verið að vinna að sínu atriði alla önnina og sjá þeir sjálfir um alla útfærslu með aðstoð leiðbeinanda. Atriði Síðuskóla í ár fjallar um innflytjendur og allar þær áskoranir sem þeir geta staðið frammi fyrir í vegferð sinni að skapa sér gott og öruggt líf. Áfram Síðuskóli ;*

Skólahreysti 2026

Thu, 30 Apr 2026 13:20:00 +0000

Í gær fór Skólahreysti fram í Höllinni og stóð okkar lið sig sérlega vel og lenti í 2. sæti. Virkilega góður árangur og enn möguleiki að komast áfram í lokakeppnina sem fer fram í Reykjavík 23. maí.Og hrós til allra stuðningsmanna Síðuskóla, þeir studdu vel við sitt fólk í gærkvöldi einsog sjá má á myndum. Hér má sjá myndir frá æsispennandi kvöldi.

Strákar í 9. bekk fengu innsýn í störf hjúkrunarfræðinga

Wed, 29 Apr 2026 10:44:00 +0000

Strákarnir í 9. bekk fengu skemmtilega heimsókn í vikunni þegar Atli Dagur, hjúkrunarfræðingur á bráðamóttöku Landspítalans, kynnti fjölbreytt störf í hjúkrun. Markmiðið var að sýna að hjúkrun er spennandi starf sem hentar öllum kynjum. Settar voru upp stöðvar þar sem strákarnir fengu að spreyta sig á raunverulegum verkefnum. Þeir prófuðu meðal annars hjartahnoð og heimlich til að losa aðskotahlut úr öndunarvegi. Kynningin var áhugaverð og strákarnir áhugasamir eins og sjá má á myndum frá heimsókninni. Hér má sjá fleiri myndir frá heimsókninni.

Þemadagar & Barnamenningarhátíð

Fri, 24 Apr 2026 13:53:00 +0000

Síðustu dagar vetrar voru vel nýttir í Síðuskóla. Á þriðjudag og miðvikudag voru þemadagar þar sem hefðbundin stundaskrá var lögð til hliðar og nemendur unnu að ýmsum skemmtilegum verkefnum á stigunum. Yngsta stig vann með sögur Astrid Lindgren á fjölbreyttan hátt, bjuggu til húsið hennar Línu langsokks og allar helstu persónur sögunnar, settu upp Matthíasarskóg og Helvítisgjána úr Ronju ræningjadóttur og bjuggu til boga, örvar og rassálfa. Miðstigið undirbjó Barnamenningarhátíð en setti einnig upp heilan regnskóg á B-gangi ásamt því að kynna sér hinar ýmsu dýrategundir. Unglingastigið lagði áherslu á heilsu, heilbrigði og útiveru. Þau unnu verkefni, spiluðu ýmis spil, kepptu á blakmóti unglingastigs og hresstu upp á útisvæði skólans svo eitthvað sé nefnt. Virkilega skemmtilegir dagar þar sem sköpunargleðin réð ríkjum. Hér má sjá fleiri myndir frá þemadögum. Sjálf Barnamenningarhátíð miðstigs fór svo fram milli kl. 14 og 16 á miðvikudaginn. Þar sýndu nemendur listaverk og muni sem þeir hafa verið að vinna að í vetur auk þess sem sýnd voru dans- og tónlistaratriði sem nemendur höfðu æft og undirbúið fyrir hátíðina. Nemendur seldu einnig gestum bakkelsi og límonaði sem þeir höfðu gert sjálfir. Ágóðinn af kaffisölunni fer í að gleðja okkar góðu nágranna á Lögmannshlíð. Barnamenningarhátíð var vel sótt og þökkum við gestum kærlega fyrir komuna. Hér má sjá myndir frá Barnamenningarhátíð.

Skólahreystilið Síðuskóla kynnt í dag

Fri, 24 Apr 2026 12:08:00 +0000

Í næstu viku, miðvikudaginn 29. apríl, fer fram Norðurlandsriðill Skólahreysti. Í dag mættu nemendur og starfsfólk í íþróttasal skólans þar sem Skólahreystiliðið var kynnt. Í liðinu eru þau Elías Haukur, Halla, Kári og Sóldís sem öll eru nemendur í 10. bekk. Nokkrir nemendur skólans fengu að keppa við liðið í Skólahreystisþrautum. Hér má sjá fleiri myndir frá því í morgun.

Upptakturinn - ungskáld á Akureyri

Mon, 20 Apr 2026 13:31:00 +0000

Upptakturinn fór fram í Hofi í gær þar sem flutt voru frumsaminn tónverk eftir sjö ungmenni úr grunnskólum bæjarins. Síðuskóla átti einn fulttrúa á þessum viðburði og erum við afar stolt af henni Ólöfu Birnu sem átti verkið "Árstíðirnar". Verkin voru flutt af atvinnu tónlistarfólki og höfðu ungmennin unnið að útsetningu og þróun verkanna undanfarnar vikur í samstarfi við þau. Við óskum þeim öllu til hamingju með vel heppnaða tónleika, framtíðin er björt hjá tónlistarlífi Akureyrar.

Barnamenningarhátíð í Síðuskóla

Mon, 20 Apr 2026 09:52:00 +0000

Nemendur á miðstigi eru þessa dagana að undirbúa þátttöku sína í Barnamenningarhátíðinni á Akureyri sem haldin er dagana 1.–27. apríl. Þetta er í þriðja sinn sem nemendur Síðuskóla taka formlega þátt í hátíðinni. Miðvikudaginn 22. apríl verður Barnamenningarhátíð í Síðuskóla milli kl. 14:00 og 16:00. Dagskrá hátíðarinnar: · Listasýning: Sýning á verkum nemenda á miðstigi. Þar fá nemendur að sýna sköpun sína og vinna með fjölbreytt efni og miðla. · Skemmtiatriði á sviði: Nemendur sýna hæfileika sína í söng, leiklist, dansi eða annars konar sviðslistum. · Sköpunarsmiðja: Opið rými þar sem allir eru velkomnir til að vinna saman að skapandi verkefnum. Í sameiginlegri listsköpun fá þátttakendur tækifæri til að kynnast hvort öðru á nýjan hátt, deila hugmyndum og upplifa gleði sköpunarinnar saman. · Kaffihús: Kaffihúsið verður rekið af nemendum sem hluti af viðburðinum. Markmið Barnamenningarhátíðarinnar er að hvetja börn og ungmenni til virkrar þátttöku í menningarstarfi og efla sköpunarkraft þeirra. Síðuskóli er stoltur þátttakandi í þessu mikilvæga framtaki og hvetur alla til að mæta.

Hæfileikakeppni Akureyrar 2026

Tue, 14 Apr 2026 14:07:00 +0000

Hæfileikakeppni Akureyrar er árlegur viðburður fyrir börn í 5. - 10. bekk. Um að ræða fjölbreytta keppni þar sem börn og unglingar á Akureyri geta komið sér á framfæri og unnið með styrkleika sína og hæfileika. Dæmi um atriði sem gætu skráð sig til leiks geta verið á sviði sönglistar, leiklistar, danslistar, töfrabragða og hljóðlistar svo eitthvað sé nefnt. Atriðin geta verið einstaklingsatriði, paraatriði eða hópatriði. Hægt að skrá sig til leiks til 14. apríl. Skráningarhlekkur HÉR! Frekari upplýsingar veita hulda.osk.jonsdottir@akureyri.is Nánari upplýsingar:Dagsetning: 22. aprílTímasetning: 16.00-18.00Staðsetning: HofAðgangseyrir: Enginn aðgangseyrir

5. bekkur í samstarfi við Listasafn Akureyrar

Fri, 10 Apr 2026 10:13:00 +0000

Í vetur hafa nemendur á miðstigi Síðuskóla og Lundarskóla komið í endurteknar heimsóknir í Listasafnið, fengið þar fræðslu og í framhaldinu unnið verkefni í tengslum við heimsóknirnar.Afraksturinn má sjá á sérstakri sýningu nú stendur yfir í safnfræðslurými Listasafnsins, sem opið er öllum gestum safnsins, frítt fyrir 18 ára og yngri.Sýningin er lokahnykkur í samstarfi verkefnastjóra fræðslu og miðlunar í Listasafninu á Akureyri og myndmenntakennara Síðuskóla og Lundarskóla. Sjá myndir hér.