Fréttir | Síðuskóli

Göngum í skólann og Svakalega lestrarkeppnin

Thu, 15 Oct 2026 11:29:00 +0000

Í morgun hittumst við öll á sal því tilkynna átti úrslit í Göngum í skólann og Svakalegu lestrarkeppninni. Í ár var það 9. bekkur sem hlaut bikarinn eftirsótta í Göngum í skólann og fá í verðlaun að fara á skauta í Skautahöllinni. Steinar sagði að nánast allir bekkir hefðu hækkað hlutfall sitt í virkum ferðamáta milli ára og hvatti nemendur til að halda áfram þó veturinn hefði látið á sér kræla í morgun. Veittar voru viðurkenningar í Svakalegu lestrarkeppninni og fengu 3 efstu í hverjum árgangi viðurkenningu fyrir að draga vagninn í sínum bekk með flestar lesnar mínútur. Sjáum mynd af lestrarhestum Síðuskóla hér. Svo var það 3. bekkur sem hlaut titilinn Svakalegasti lestrarbekkur Síðuskóla í ár, þau lásu 750. Þau fá í verðlaun að fara í fimleikasalinn í Giljaskóla. Til hamingju krakkar. Hér má sjá fleiri myndir frá morgunstundinni.

Sigurvegarar í Síðuskóla - Svakalega lestrarkeppnin

Fri, 09 Oct 2026 13:46:00 +0000

Sigurvegarar í Svakalegu lestrarkeppninni í Síðuskóla var 3. bekkur !! En þau lásu samtals 22631 mínútur eða 754 mínútur að meðaltali. Það er hvorki meira né minna en 12,5 klukkustund samfleytt eða rúmlega hálfur sólarhringur... hver og einn nemandi í bekknum. Virkilega vel gert krakkar ! Þið fáið viðurkenningaskjal og óvænt verðlaun í næstu viku. Úrslit aðalkeppninnar verða svo tilkynnt fimmtudaginn 15. október kl 10:30 í beinni útsendingu á Youtube. Til gamans má sýna þá 5 einstaklinga sem lásu mest í Síðuskóla þessar 3 vikur, virkilega flott hjá þeim. 1. Júlía Katrín (2014) - 3926 mín. 2. Míla (2014) - 2895 mín. 3. Sóley Líf (2014) - 2240 mín. 4. Sunna Berglind (2016) - 1675 mín. 5. Sverrir Ásberg (2018) - 1666 mín. Áfram Síðuskóli og áfram allir lestrarhestar og bókaormar :)

Aðalfundur FOKS verður haldinn 1. október kl. 19

Thu, 01 Oct 2026 10:26:00 +0000

3. bekkur leiðir áfram Svakalegu lestrarkeppnina í Síðuskóla

Wed, 30 Sep 2026 09:58:00 +0000

Eftir tvær vikur leiðir 3. bekkur áfram Svakalegu lestrarkeppnina innan Síðuskóla. Þau lesa samtals 555,5 mínútur að meðaltali á hvern nemanda í bekknum síðan keppnin hófst. Vel gert 3. bekkur! 5. bekkur vermir áfram annað sætið og hafa lesið 395,6 að meðaltali. Í þriðja sæti hafa orðið vendingar en 2. bekkur hefur stolið því af 6. bekk síðan í síðustu viku með lestur uppá 345,5 á hvern nemanda. Það getur allt gerst enda nóg eftir af keppninni, heil vika til að ná þessum lestrarormum á toppnum ef allir leggja sig fram í bekknum. Og saman ætlum við auðvitað að verða Svakalegasti lestrarskóli landsins. Áfram Síðuskóli :)

Svakalega lestrarkeppnin 2026

Thu, 24 Sep 2026 08:38:00 +0000

Nú er í gangi Svakalega lestrarkeppnin til 6. október. Þetta er lestrarkeppni milli allra grunnskóla í landinu, 1.-7. bekkur. Þetta er einfalt... það á að lesa lesa lesa (og hlusta) eins mikið og mögulegt, heima og í skólanum og bara alls staðar - skrá mínútur! Við í Síðuskóla erum saman í liði í landskeppninni og keppum um að verða Svakalegasti lestrarskóli landsins ! En við viljum líka hafa smá keppni hér innan hús þannig að við tökum stöðuna vikulega. Svakalegasti lestrarbekkur Síðuskóla fær auðvitað líka verðlaun í lok keppninnar, þannig nú sem áður gildir að standa saman og allir leggja sitt að mörkum. Svo fáum við heimsókn næstkomandi mánudag frá Evu Rún og Blæ rithöfundum og stjórnendum keppninnar til að hvetja okkur áfram, þá verður gaman að sjá hver staðan er! Eftir fyrstu vikuna þá leiðir 3. bekkur hér innanhús, verður það þannig í næstu viku?

Úrslit í Ólympíuhlaup ÍSÍ í Síðuskóla

Wed, 23 Sep 2026 15:24:00 +0000

Ólympíuhlaup ÍSÍ hefur verið fastur liður í skólastarfi frá árinu 1984. Markmið hlaupsins er að hvetja nemendur til reglulegrar hreyfingar og stuðla að betri heilsu, vellíðan og jákvæðum lífsvenjum. Áherslan er fyrst og fremst á holla hreyfingu, þátttöku allra og að nemendur njóti þess að taka þátt. Hlaupinn er Síðuskólahringurinn sem er 2,2 km. Meðaltal 80% nemenda í hverjum árgangi er reiknað út og besti meðaltalstíminn vinnur. Þetta er oft tæpt á toppnum en 10. bekkur hafði það í ár og fékk í fyrsta lagi farandbikarinn ásamt því að fara í næstu viku á Sprettinn saman og búa til sína eigin pizzu og snæða. Til hamingju 10. bekkur. Einnig er veitt viðurkenningaskjöl fyrir 2 hröðustu tímana í hverjum bekk og svo verðlaunapeningar fyrir 3 hröðustu tímana á hverju stigi - yngsta, mið- og elsta stigi. Til hamingju öll sömul og hér má sjá myndir frá verðlaunaafhendingunni og söngsal í gærmorgun. Hér að neðan eru töflur með úrslitum einstaklinga. 🏃 1.–4. bekkur Sæti Verðlaun Nafn Bekkur Tími 1 🥇 Gull Björgvin Stefánsson 4. bekkur 10:31 2 🥈 Silfur Styrmir Hrafn Eiríksson 4. bekkur 10:32 3 🥉 Brons Elmar Breki Jónsson 3. bekkur 12:15 🏃 5.–7. bekkur Sæti Verðlaun Nafn Bekkur Tími 1 🥇 Gull Baldvin Breki Helgason 7. bekkur 8:37 2 🥈 Silfur Óliver Máni Andrésson 6. bekkur 10:03 3 🥉 Brons Sunna María Helgadóttir 7. bekkur 10:38 🏃 8.–10. bekkur Sæti Verðlaun Nafn Bekkur Tími 1 🥇 Gull Óliver Andri Einarsson 9. bekkur 8:35 2 🥈 Silfur Sigurður Atli Guðmundsson 9. bekkur 8:43 3 🥉 Brons Fanney Mjöll Arnarsdóttir 9. bekkur 8:44 Tveir hröðustu tímar í hverjum bekk: Bekkur 1. hraðastur Tími 2. hraðastur Tími 1. bekkur Steinþór Kai Sigurðsson 14:57 Fannar Hugi Kristbjörnsson 16:17 2. bekkur Jökull Heiðar Knutsen 13:28 Jökla Lind Baldvinsdóttir 14:39 3. bekkur Elmar Breki Jónsson 12:15 Magnús Gauti Árnason 12:37 4. bekkur Björgvin Stefánsson 10:31 Styrmir Hrafn Eiríksson 10:32 5. bekkur Gunnar Helgi Björnsson 10:52 Viktor Aleksander Gusev 10:52 6. bekkur Óliver Máni Andrésson 10:03 Ólafur Steinars Steinarsson 11:10 7. bekkur Baldvin Breki Helgason 8:37 Sunna María Helgadóttir 10:38 8. bekkur Tristan Andri Knutsen 10:02 Róbert Aron Poulsen 10:04 9. bekkur Óliver Andri Einarsson 8:35 Sigurður Atli Guðmundsson 8:43 10. bekkur Sunneva Ósk Broddadóttir 8:45 Emma Júlía Cariglia 9:34

Náttúrufræðingur Síðuskóla 2026

Tue, 22 Sep 2026 11:18:00 +0000

Í morgun var útnefndur Náttúrufræðingur Síðuskóla fyrir skólaárið 2026-2027 auk þess að veita nokkrum nemendum viðurkenningu fyrir góðan árangur í "Náttúrufræðingnum". Keppnin er haldin ár hvert á degi íslenskrar nátttúru og fjallar um að þekkja sem flest náttúrufyrirbæri af myndum. Í myndaalbúminu hér að neðan má sjá hvað var spurt um í ár. Í ár er Karen Hannesdóttir í Náttúrufræðingur Síðuskóla og fær nafn sitt á platta uppá vegg ásamt öllum "Náttúrufræðingum" skólans frá árinu 2002. Eftirfarandi nemendur viðurkenningu fyrir góðan árangur: Sverrir Ásberg Friðgeirsson, 3. bekk Lísa Lind Vignisdóttir, 4. bekk Sóley Líf Pétursdóttir, 7. bekk Helga Berglind Pálsdóttir, 9. bekk Íris Alda Sigfúsdóttir, 9. bekk Sjá myndir hér.

Barna og menntamálaráðherra í heimsókn í Síðuskóla

Fri, 18 Sep 2026 14:18:00 +0000

Í dag heimsótti menntamálaráðherra, Inga Sæland, Síðuskóla ásamt fríðu föruneyti. Ólöf skólastjóri, Helga og Malli deildarstjórar tóku á móti þeim. Aðrir gestir voru Kristín fræðslustjóri; Óðinn Svan formaður bæjarráðs. Tilefnið var að kynna sér hið góða starfs sem fer fram í skólanum en þó sérstaklega sérdeildir okkar. Fyrst var snæddur hádegisverður með 6. bekk. Því næst kíkti Inga Sæland við í myndmennt í 7. bekk og skoðaði svo geisigóða kartöfluuppskeru 2. bekkjar. Svo lá leiðin inn í Ásinn, sérdeild yngsta stigs þar sem hún ræddi Sigurlaugu deildarstjóra. Næst var litið við í Ísat stofunni þar sem nemendur 5. bekkjar, frá fimm mismunandi löndum, voru að klára vinnuvikuna sína í Kahoot - málfræðikeppni. Að lokum hitti hún Ingibjörgu og Margréti sérkennara inní Áttunni. Á leið hennar um skólann gripu svo nokkrar stúlkur 9. bekkjar tækifærið og spurðu út í væntanlegt símabann í skólum semog hækkun leyfilegs aldurs á samfélagsmiðla uppí 15. ára. Þær lýstu áhyggjur sínum af málinu og Inga gaf sér góðan tíma að spjalla við þær og útskýra hvað liggur að baki. Skemmtileg heimsókn í okkar góða skóla: Síðuskóla, sjá myndir hér.

Dagur íslenskrar náttúru

Thu, 17 Sep 2026 13:27:00 +0000

Í tilefni dags íslenskrar náttúru fóru nemendur og starfsmenn Síðuskóla út að njóta útiveru og náttúrunnar. Til stóð að fara í gær en vegna mikillar rigningarspár var ákveðið að fresta dagskránni um einn dag. Veður var alveg ágætt þó hafi dropað fyrst um morguninn, enda enginn verri þó hann vökni smá. Til útivistar var ýmist farið gangandi, hjólandi eða í strætó til fjarlægari áfangastaða. Nemendur höfðu með nesti og skemmtu sér við leik og störf. Ýmsu var safnað t.d. litríkum laufblöðum sem unnið var með og rusli sem á ekki heima í náttúrunni. 2. bekkur tók upp gríðarstórar kartöflur í innigarðinum sem fjölskyldur þeirra fá heim í dag. Farið var í leiki og framkvæmdar tilraunir til að skilja betur náttúruna og lífríkið allt um kring. Einnig var hin árlega keppni um "Náttúrufræðing Síðuskóla" haldin þar sem nemendur eiga að þekkja fugla, plöntur og staði á Íslandi. Úrslitin verða tilkynnt á sal næstkomandi þriðjudag ásamt úrslitum Ólympíuhlaupsins. Hér má sjá margar skemmtilegar myndir frá deginum.

Verðlaun úr minningarsjóði Rósu Eggertsdóttur

Tue, 15 Sep 2026 09:15:00 +0000

Um nýliðna helgi var haldin ráðstefnan "Læsi til náms" í Háskólanum á Akureyri á vegum Miðstöðvar skólaþróunar HA (MSHA) og Miðstöðvar menntunar og skólaþróunar (MMS). Þar voru veitt verðlaun í fyrsta sinn úr minningarsjóði Rósu Eggertsdóttur fyrir framúrskarandi starf í læsiskennslu. Lilju Þorkelsdóttir kennari við Síðuskóla fékk viðurkenningu fyrir ötult starf við innleiðingu Byrjendalæsis undanfarin ár. Við erum afar stolt af því góða starfi sem Lilja hefur innt af hendi, bæði fyrir byrjendalæsi og störfum sínum við Síðuskóla. Hún er vel að því komin að fá viðurkenningu sem framúrskarandi kennari og leiðtogi. Til hamingju Lilja !

Ólympíuhlaup ÍSÍ - göngum í skólann

Fri, 11 Sep 2026 13:32:00 +0000

Í gær, fimmtudaginn 10. september, hlupu nemendur og starfsmenn Síðuskóla hið árlega Ólympíuhlaup ÍSÍ. Hlaupinn var Síðuskólahringurinn sem er 2,2 km. Veðrið var mjög gott þó rignt hefði duglega um morguninn. Mikil stemning var á lóðinni þegar þátttakendur komu í mark undir dúndrandi tónlist og lófaklappi. Allir þátttakendur fengu ávaxtabita. Til að finna út sigurvegarann verður lagður saman tími 80% hvers árgangs. Úrslitin verða tilkynnt á sal næsta fimmtudag og fær ágangurinn sérstakan farandbikar. Dagurinn markar líka upphaf hreyfiverkefnisins Göngum í skólann. Þar gildir að skrá virkann ferðamáta til og frá skóla. Myndirnar eru allmargar að þessu sinni enda margir hlaupagarpar í Síðuskóla :) Einnig má sjá Blossa, lukkudýr Smáþjóðaleikanna 2015, bregða fyrir.

Gönguferð

Thu, 03 Sep 2026 13:40:00 +0000

Það viðraði afskaplega vel til gönguferðar í gær einsog sjá má í myndasafni hér að neðan. Farið var með alla nemendur og starfsfólk, frá Síðuskóla sem leið liggur upp í Móahverfi og þaðan áfram upp í Lögmannshlíð. Gengið var hringur sem er 6,2 km. Veðrið lék við okkur, bæði þurrt og hlýtt. Nestisstopp var tekið í móunum við Síðuskólaskóginn okkar, en þar hafa nemendur gróðusett tré í gegnum árin og hefur smám saman myndast þónokkur skógarlundur sem vex vel og dafnar. Sjá myndir hér

Skólasetning 2026

Mon, 24 Aug 2026 14:42:00 +0000

Skólaárið er hafið :) Síðuskóli var settur í morgun fyrir starfsárið 2026-´27. Það voru kátir krakkar og glaðlegir starfsmenn sem mættu til starfa í morgun, enda fyrsti skóladagurinn á nýju starfsári. Ólöf skólastjóri setti skólann, fyrst fyrir 2.-5. bekk kl. 9 og svo 6.-10. bekkur kl. 10. 1. bekkingar mættu auðvitað líka í dag en fyrsta daginn koma þau í einstaklingssamtöl við umsjónakennarana ásamt foreldrum sínum. Ólöf bauð öll velkomin til starfa aftur og sérstaklega nýja nemendur og starfsmenn; sem við ætlum að taka vel á móti. Svo fór hún stuttlega yfir einkunnarorð skólans, ábyrgð, virðing og vinátta, ásamt þær stefnur sem við störfum eftir: SMT skóli, Grænfána- og Unicef skóli. Fánar skólans sem dregnir eru á hún fyrir framan aðalinngang Síðuskóla sýnir þær, ásamt regnbogafánanum sem minnir okkur á að öll erum við velkomin hér einsog við erum. Við sem erum saman Síðuskóla sumir eins og álfar, aðrir tröll, við sem erum saman í Síðuskóla sigrum fjöll – alla leið. Sjá myndir hér

Upphaf skólaársins 2026-2027

Tue, 04 Aug 2026 09:34:00 +0000

Síðuskóli verður settur mánudaginn 24. ágúst. Tímasetningar eru sem hér segir:2. - 5. bekkur mætir kl. 9:00.6. - 10. bekkur mætir kl. 10:00. Nemendur mæta í sínar heimastofur og koma síðan á sal með starfsfólki. Hér fyrir neðan er hægt að sjá kort af skólanum og á því eru heimastofur bekkjanna. Foreldrar og nemendur 1. bekkjar verða boðaðir í viðtal til umsjónarkennara með tölvupósti. Foreldrar/forráðamenn eru velkomnir með börnunum sínum á skólasetningu, við biðjum þá sem mæta með sínum börnum að mæta með þeim fyrst í heimastofu.Skólinn hefst svo samkvæmt stundatöflu þriðjudaginn 25. ágúst.Eins og áður munum við byrja haustið á úti íþróttum svo það er mikilvægt að nemendur komi klæddir eftir veðri.

Skólaslit Síðuskóla 2026

Thu, 11 Jun 2026 10:42:00 +0000

Síðuskóla var slitið þriðjudaginn 9. júní. Dagurinn var fallegur og bauð nemendur velkomna í kærkomið sumarfrí. Fyrir hádegi mættu nemendur 1.-9. bekk á sal og áttu einnig stund saman inni í bekk með kennurunum sínum. 10. bekkur var svo útskrifaður frá Glerárkirkju kl. 15 en í ár kláruðu alls 53 nemendur grunnskólagöngu sína við Síðuskóla og fara nú á vit nýrra ævintýra. Við óskum þeim velfarnaðar í nýjum verkefnum. Svo kveðja alltaf einhverjir starfsmenn að vori, bæði eftir stutt og löng stopp við skólann. Í ár voru þær Bryndís, Erna, Marta, Sigrún og Svava kvaddar eftir áratuga starfsferil við skólann og þökkuð vel unnin störf og tryggð við skólann. Hér má sjá myndir frá öllum deginum.

Síðasti skóladagurinn

Wed, 10 Jun 2026 15:16:00 +0000

Á mánudaginn var svo síðasti skóladagurinn þar sem við nutum útiveru og ekta íslenskt veður... sem sagt alls konar. Það var virkilega gaman og allir glaðir að leika sér saman um alla skólalóð, hjólað, hoppað, sippað og fleira. Hér má sjá skemmtilegar myndir frá deginum ásamt grillinu sem er rúsínan í pylsuendanum á þessum degi. Og 8. bekkur sér um grill og að setja á pylsur fyrir alla :)

Umhverfisdagur 5. júní

Wed, 10 Jun 2026 15:03:00 +0000

Í Síðuskóla erum við með umhverfisdaga sem snúast þá um uppbrot á hefðbundnu námi, að vinna og vera úti eða annars staðar :) Hér má sjá myndir frá fyrri deginum þar sem nemendur yngsta og miðstigs, plús 8. bekkur, brölluðu ýmislegt skemmtilegt. Yngsta stig - myndir Miðstig - myndir

1. bekkur haustið 2026

Thu, 04 Jun 2026 13:21:00 +0000

Það voru glaðir og hressir krakkar sem komu í heimsókn í gær í Síðuskóla. Þau ætla nefnilega að byrja í 1. bekk í haust og var spenningurinn mikill að koma og skoða skólann og sjá hvernig allt lítur út hjá okkur. Foreldrar og forráðamenn fengu smá kynningu á skólanum og allir sem byrja í 1. bekk fá húfu merkta skólanum og svo fengu þau líka ís í tilefni dagsins. Það var virkilega gaman að fá hópinn til okkar og ekki annað að sjá en að allir væru tilbúnir að hefja skólagöngu í ágúst. Sjá myndir hér.

Brunaæfing í Síðuskóla

Tue, 02 Jun 2026 13:24:00 +0000

Í morgun var haldin brunaæfing í Síðuskóla. Það er mjög mikilvægt að æfa sig í að bregðast við ef það skyldi í alvörunni kveikna í skólanum. Æfingin gekk mjög vel, allir fóru rólega út og stilltu sér upp í röð á skólalóðinni hjá rólunum. Þegar búið var að telja og tryggja að allir nemendur og starfsmenn voru komnir út úr húsi fóru allir til sinna starfa aftur. Fulltrúar frá Slökkviliðinu komu líka til að fylgjast með að við gerðum rétt og leiðbeindi. Þetta er líka gert til að prófa kerfið og vera viss um að það virki eins og þá á að virka.

Hreinsun skólalóðar

Tue, 02 Jun 2026 12:56:00 +0000

Í Síðuskóla skipta árgangar með sér mánuðunum í lóðarhreinsun skólans. Góða veðrið í gær nýttu krakkarnir 6. bekk þegar þau fóru um allt og inn í beð að hreinsa upp rusl sem fýkur til okkar. Glaðir og duglegir krakkar einsog sjá má hér.