Fréttir

Laugardaginn 27. febrúar kl. 16:00 heldur Undirheimar í Síðuskóla bingó í sal skólans. Bingóið er liður í fjáröflun vegna ferðar á Samfés hátíðina. Hvert spjald kostar 300 kr. sjoppa á staðnum. Allir velkomnir

Mánudaginn 15. febrúar var valhópur í heimilisfræði að baka pizzur og skúffuköku. Myndir úr tímanum má sjá hér.

Foreldrar og nemendur Síðuskóla. Við minnum á að dagana 17.-19. febrúar er vetrarfrí í Síðuskóla. Skólastarf hefst aftur mánudaginn 22. febrúar samkvæmt stundaskrá. Vonum að þið njótið vel frídaganna, bestu kveðjur, starfsfólk Síðuskóla.

Þriðjudaginn 16. febrúar er opið hús í Síðuskóla fyrir foreldra tilvonandi 1.bekkinga frá kl. 9:00-11:00.Foreldrar eru hvattir til að mæta og kynna sér skólann.Skólavalsbækling Skóladeildar Akureyrarbæjar má finna hér.

Matseðill fyrir mars er kominn inn. Hann má nálgast hér.

Fimmtudaginn 11. febrúar fengum við til okkar hann Sigurð Arnar frá blakdeild KA til þess að kynna fyrir nemendum þessa skemmtilegu íþrótt. Nokkrar myndir voru teknar í tíma hjá 4. bekk og þær má sjá hér.

Aðfaranótt föstudagsins 5. febrúar fengu nemendur í 7. bekk að gista á bókasafni skólans þar sem lesið var langt fram eftir nóttu. Um morguninn fengu þau morgunmat í matsal skólans og fóru svo beint í tíma. Gekk þetta allt ágætlega og skemmtu allir sér mjög vel. Myndir má sjá hér.

Nýjar myndir eru komnar inn á myndasíðu 5. bekkjar. Myndirnar má sjá hér.

-Stuðningssíða fyrir nemendur með lesraskanir á vef skólavefsins- Á Skólavefnum er að finna ógrynni námsefnis sem skólar og einstaklingar hafa nýtt sér með góðum árangri í 10 ár. 93% allra grunnskóla og um 2000 heimili eru með áskrift að vefnum og nýta sér fjölbreytt námsefnið með margvíslegum hætti. Námsefni af Skólavefnum er notað víða í kennslu auk þess sem við erum einn stærsti einkaaðilinn í útgáfu námsbóka á Íslandi.