Fréttir

6. bekkur Síðuskóla slóst í för með Húna þriðjudaginn var, 26.ágúst. Farið er ár hvert með alla 6. bekki Akureyrar í fræðsluferð með Húna. Húni siglir með nemendur um Eyjafjörð, fræðir þau um allt mögulegt sem tengist sjóferðum og sögu bátsins. Einnig er farið yfir öryggi um borð, lífríki sjávar, söguna meðfram ströndinni og endað á því að renna fyrir fiski sem er svo grillaður og snæddur um borð. Einsog sjá má á myndum gerðu okkar nemendur afskaplega góða og skemmtilega ferð.

Sjá myndir hér

Og fleiri myndir hér :)

Ný stafræn lausn er nú komin í notkun sem gerir foreldrum kleift að nálgast stafræna útgáfu af skóladagatölum allra leik- og grunnskóla á Akureyri. Lausnin er aðgengileg á vefslóðinni https://reiknivelar.akureyri.is/skoladagatol

Foreldrar geta valið einn eða fleiri skóla og hlaðið niður dagatölunum sem svokallaðri ICS skrá, sem opnast í öllum helstu dagatalsforritum, svo sem Outlook, Google Calendar og fleiri.

Með þessu móti geta foreldrar auðveldlega fylgst með helstu viðburðum skólaársins, eins og skipulagsdögum, vetrarfríum, skólaslitum og fleiru – og jafnvel fengið sjálfvirkar áminningar beint í símann eða tölvuna.

Síðuskóli verður settur föstudaginn 22. ágúst. Tímasetningar eru sem hér segir:
2. - 5. bekkur mætir kl. 9:00.
6. - 10. bekkur mætir kl. 10:00.
Nemendur mæta í sínar heimastofur og koma síðan á sal með starfsfólki. Hér fyrir neðan er hægt að sjá kort af skólanum og á því eru heimastofur bekkjanna. Foreldrar og nemendur 1. bekkjar verða boðaðir í viðtal til umsjónarkennara með tölvupósti.

Foreldrar/forráðamenn eru velkomnir með börnunum sínum á skólasetningu, við biðjum þá sem mæta með sínum börnum að mæta með þeim fyrst í heimastofu.

Skólaslit Síðuskóla voru í gær við hátíðlegar athafnir. Fyrst hjá nemendum 1.-5. bekkjar. Svo hjá nemendum 6.-9. bekkjar og að lokum voru nemendur 10. bekkjar útskrifaðir í Glerárkirkju og fáeinir starfsmenn kvaddir sem láta af störfum. 5 ára útskriftarnemendur komu í heimsókn einsog hefð er fyrir og talaði Eva Wiium fyrir hönd þeirra til 10. bekkjar með góð orð í nesti fyrir komandi tíma. Boðið var uppá kaffi í Síðuskóla að útskrift lokinni og áttu gestir notalega stund saman þar. 

Hér má sjá nokkrar myndir frá deginum.

Í dag afhenti miðstig Síðuskóla styrk til barnadeildar SAK að upphæð 550.000.- Það var afrakstur söfnunar á Barnamenningarhátíðinni sem nemendur ásamt kennurum þeirra stóðu fyrir í lok apríl. Fulltrúi úr hverjum bekk afhentu Elmu Rún Ingvarsdóttur, sérfræðingi í barnahjúkrun á barnadeild SAK. Slegin var upp smá vöffluveisla í lokin til að verðlauna nemendum þetta góða framtak. Elma Rún sagði upphæðina koma að mjög góðum notum því slíkar gjafir gerðu þeim kleift að kaupa búnað á deildina sem gerir dvölina fyrir börn og fjölskyldu þeirra ánægjulegri. Var nemendum þökkum kærlega þetta góða og fallega framtak.

Sjá myndir hér.

Skólaslit Síðuskóla verða fimmtudaginn 5. júní.

Árgangar mæta í heimastofur og fara saman í sal. Þar kveður skólastjórinn fyrir hönd skólans og síðan fara nemendur í sínar heimastofur þar sem hópurinn er kvaddur. Foreldrar eru að sjálfsögðu velkomnir með sínum börnum. Við miðum við að skólinn sé í eina klukkustund.

• Klukkan 9:00 1.-5. bekkur
• Klukkan 10:00 6.-9. bekkur

Útskrift 10. bekkjar kl. 15:00 í Glerárkirkju og kaffi í skólanum á eftir fyrir nemendur, fjölskyldur þeirra og starfsfólk.

Það er gaman að segja frá því að Sámuel, nemandi í 9. bekk í Síðuskóla sem kom til okkar frá Ungverjalandi síðasliðið sumar, hefur nýlokið keppni í heimalandinu. Keppt er í ungverskri málfræði á landsvísu í bekkjum 5. - 8. (sem er 6. - 9. bekkur á Íslandi). Það er skemmst frá því að segja að Sámuel var í 9. sæti á landsvísu sem er frábær árangur og til að kóróna það fékk hann sérstaka viðurkenningu fyrir framúrskarandi árangur í málfræðikeppninni öll árin sem hann hefur tekið þátt. 

Að sjálfsögðu mætti hann í keppnina Síðuskólapeysunni sinni 😀

 Við óskum Sámuel og fjölskyldu hans til hamingju með árangurinn.