Fréttir

Nemendur og starfsmenn Síðuskóla tóku þátt í Ólympíuhlaupi ÍSÍ í gær. Hlaupið fór fram í blíðskaparveðri og voru þátttakendur verulega spenntir að taka á rás og hlaupa „Síðuskólahringinn“ en hann er 2,2 km.  Áður en hlaupið hófst var hitað upp með dansi og hoppi undir stjórn nokkurra nemenda á skólalóðinni. Mikil stemning var á lóðinni þegar þátttakendur komu í mark undir dúndrandi tónlist. Meðaltal fyrstu 10 þátttakenda úr hverjum árgangi ráða úrslitum. Úrslitin verða tilkynnt á sal næsta föstudag ásamt Náttúrufræðingi Síðuskóla. Hér má skoða myndir frá hlaupinu.

Í dag fengum við góða gesti þegar rithöfundarnir Kristín Ragna Gunnarsdóttir og Sverrir Norland komu á vegum verkefnisins List fyrir alla. Þau byrjuðu á að segja frá verkum sínum og fóru svo yfir það hvernig saga verður til. Hér má sjá myndir frá þessari skemmtilegu heimsókn.

Í tilefni dags íslenskrar náttúru fóru nemendur og starfsmenn Síðuskóla út að njóta útiveru og náttúrunnar í dag. Ýmist var farið gangandi, hjólandi og meira segja í strætó til fjarlægari áfangastaða. Nemendur höfðu með nesti og skemmtu sér við leik og störf enda var veðrið eins og best verður á kosið til útiveru. Ýmsu var safnað t.d. laufblöðum, prikum, steinum  og líka því sem á ekki heima í náttúrunni eins og rusli sem hefur fokið. Farið var í leiki og framkvæmdar tilraunir til að skilja betur náttúruna og lífríkið allt um kring. Myndir frá deginum má sjá hér.

English below

Sæl og blessuð.
Við höfum tekið ákvörðun um að fresta gönguferðinni nk. föstudag. Ástæðan fyrir því er sú að spáin er kólnandi og leiðin sem við ætluðum að fara er að öllum líkindum drullusvað.
Við minnum einnig á að mánudaginn er Dagur íslenskrar náttúru. Við höldum honum hvernig sem viðrar, dagskráin verður þá aðlöguð að veðri.
Ef veðurguðirnir verða okkur hliðhollir munum við hugsanlega skella okkur í gönguferð með litlum fyrirvara.
Kveðja,
Ólöf, Helga og Malli

Hello and greetings,
We have decided to postpone the hike next Friday. The reason is that the forecast is getting colder, and the route we had planned to take is likely to be a mudfield.
We would also like to remind you that Monday is Icelandic Nature Day. We will celebrate it no matter the weather, and the schedule will be adjusted accordingly.
If the weather gods are kind to us, we might go on a hike at short notice.
Best regards,
Ólöf, Helga, and Malli

Við fögnum í dag 40 ára afmæli skólans. 

Hér er myndapakki frá fyrri hluta dagsins. 

Hér er myndapakki frá seinni hluta dagsins.

Göngum í skólann verkefnið hefst á morgun og er markmið verkefnisins er að hvetja börn til að tileinka sér virkan ferðamáta í og úr skóla og auka færni sína til að ferðast á öruggan hátt í umferðinni.