Fréttir

Skipulagsdagur föstudaginn 19. maí

Föstudaginn 19. maí er er skipulagsdagur í Síðuskóla.  Þá er engin kennsla en Frístund er opin allan daginn. 

Friday 19th of May the students will not come to school since the staff works on planning next weeks. 

Frístund is open for those children who are registered. If you are not sure about registering your child, you should make contact to Silfá.

Lesa meira

Góðgerðarhlaup UNICEF

Góðgerðarhlaup UNICEF fór fram í vikunni. Hlaupið gekk virkilega vel fyrir sig og nemendur einstaklega duglegir að hlaupa og safna í leiðinni fyrir gott málefni. Við minnum á söfnunarsíðuna, sjá hér:

https://sofnun.unicef.is/participant/godgerdarhlaup-siduskola-9-og-10-mai-2023
Eins og sést á söfnunarsíðunni gengur söfnunin vel og hafa nú þegar safnast hátt í 200 þúsund krónur.

Hér má sjá myndir frá hlaupinu.

Lesa meira

Hrósmiðahátíð

Í morgun var 20.000 miða hátíðin hjá okkur í skólanum. Hún er haldin þegar nemendur hafa safnið þessum fjölda hrósmiða og þá er haldin hátíð þar sem allir nemendur skólans njóta góðs árangurs. Í ár komu Eurovision drottningarnar Maja Eir og  Jónína Björt ásamt gítarleikaranum Halla og fluttu nokkur þekkt lög úr Eurovision söngvakeppninni. Þetta tókst vel og var mikil gleði hjá nemendum og var endað á að dansa. Hér má sjá myndir frá hátíðinni.
Lesa meira

Viðurkenningar fræðslu- og lýðheilsuráðs Akureyrarbæjar

Fræðslu- og lýðheilsuráð Akureyrarbæjar boðaði til samverustundar í Brekkuskóla gær þar sem nemendum og starfsfólki leik-, grunn- og tónlistarskóla Akureyrarbæjar voru veittar viðurkenningar fyrir framúrskarandi skólastarf. Úr Síðuskóla hlutu þau Anna Lilja Hauksdóttir þroskaþjálfi, Veronika Guseva íþróttakennari, Helena Lind Logadóttir nemandi í 6. bekk og Kevin Prince Eshun nemandi í 7. bekk viðurkenningu fræðslu- og lýðheilsuráðs. Við óskum þeim innilega til hamingju, svo sannarlega verðskulduð viðurkenning! 

Lesa meira

Litla upplestrarhátíðin í 4. bekk

Í dag var Litla upplestrarhátíðin haldin hátíðleg hér í Síðuskóla. Keppnin hefst ár hvert á degi íslenskrar tungu 16. nóvember og lýkur að vori. Þátttakendur eru nemendur í 4. bekk. Nemendur hafa æft undir handleiðslu kennara sinna og fluttu margs konar texta ýmist einstaklingslega eða í hóplestri. Það er  stórt skref fyrir nemendur að standa fyrir framan hóp af fólki og lesa upp. Nemendur stóðu sig allir vel og erum við stolt af frammistöðu þeirra. 

Hér má sjá myndir frá hátíðinni.

Lesa meira

Síðuskóli fékk Grænfánann afhentan í níunda skipti

Síðuskóli fékk Grænfánann afhentan í níunda skipti í dag við hátíðlega athöfn í íþróttasal skólans.  Ólöf Inga Andrésdóttir skólastjóri flutti ávarp og nemendur í umhverfisnefnd kynntu Samgöngusáttmála Síðuskóla sem gerður var í vetur. Nemendur í 4. bekk sungu lag og Síðuskólasöngurinn var sunginn. Í vetur var haldin myndasamkeppni til að hanna skilti fyrir bílastæði og sleppisvæði skólans. Tilgangurinn er að minna þá sem koma á bíl að slökkva á honum meðan beðið er við skólann. Tvær myndir voru valdar, skilti gerð og verða þau sett á bílastæði skólans á næstunni. Þessi skilti voru sýnd á hátíðinni í dag. Það var Rán Þórarinsdóttir, fulltrúi Landverndar, sem afhenti skólanum viðurkenningarskjal og umhverfisnefnd tók við Grænfánanum. Að lokum var fáninn dreginn að húni. 

Hér má sjá myndir frá hátíðinni. 

Lesa meira

Grænfáninn afhentur Síðuskóla í níunda sinn

Ánægjulegt er að segja frá því að Síðuskóli fær Grænfánann afhentan í níunda sinn 25. apríl. Hátíðin hefst í íþróttasalnum kl. 10 og að henni lokinni verður út þar sem fánanum verður flaggað. Allir velkomnir!

Lesa meira

Fögnum fjölbreytileikanum

Frétt birt á heimasíðu Akureyrarbæjar 15. apríl sl. 

Að gefnu tilefni vill bæjarstjórn Akureyrar koma því skýrt á framfæri að í öllu því starfi sem sveitarfélagið hefur með höndum, er undantekningarlaust haft að leiðarljósi að tryggja jafnan rétt allra og fagna fjölbreytileikanum. Það eru grunvallarmannréttindi að allir njóti sama réttar óháð kyni, kynþætti, þjóðernisuppruna, trú, lífsskoðun, fötlun, starfsgetu, aldri, kynhneigð, kynvitund, kyneinkennum eða kyntjáningu.

 

Lýðræðislegt og gott samfélag á borð við það sem við búum við hér á Akureyri byggir á því að allir séu jafnir fyrir lögum og njóti mannréttinda, á það jafnt við um börn sem fullorðna. Mannréttindi leggja grunn að velferð einstaklinga, fjölskyldna, atvinnulífs og samfélagsins alls, líkt og segir í mannréttindastefnu Akureyrarbæjar sem starfsfólki sveitarfélagsins ber að halda í heiðri í öllum sínum störfum.

 

Lesa meira

Bókaverðlaun barnanna

Í febrúar og mars geta börn kosið sínar uppáhaldsbækur í Bókaverðlaunum barnanna í skólum og bókasöfnum um allt land.  

Á Akureyri hefur starfsmaður Amtsbókasafnsins séð um að taka á móti innsendum kjörseðlum frá skólunum. Einn heppinn þátttakandi í hverjum skóla er dreginn út og fær bókaverðlaun.  

Að þessu sinni var það Breki Ingimar Chang Heimisson í 4. bekk sem datt í lukkupottinn og var dreginn út frá Síðuskóla. Hann fékk bókina Barn verður forseti eftir Björgvin Pál Gústavsson í verðlaun. 

Við óskum honum til hamingju með vinninginn en á myndinni með fréttinni má sjá þegar Breki fékk sína bók afhenta.

Lesa meira

Páskafrí

Föstudagurinn 31. mars er síðasti kennsludagur fyrir páskafrí. Kennsla hefst aftur samkvæmt stundaskrá þriðjudaginn 11. apríl.  Við óskum nemendum og fjölskyldum þeirra gleðilegra páska og vonum að páskaleyfið verði ánægjulegt.
Starfsfólk Síðuskóla  
Lesa meira