ÍSAT

Kynningar- og umræðufundur fyrir foreldra barna í Naustahverfi, sem munu eiga börn í 1. – 7.  bekk á næsta skólaári. Fundurinn verður haldinn í sal Brekkuskóla fimmtudaginn 2. október kl. 20:00-22:00. Á fundinum mun skólastjóri kynna þá undirbúningsvinnu sem fram hefur farið, skipulag húsnæðismála, helstu áherslur sem lagt er upp með o.fl. Þá er óskað eftir því að foreldrar kjósi fulltrúa í skólaráð sem mun verða skólastjóra til ráðgjafar við vinnuna framundan. Foreldrar eru eindregið hvattir til að mæta og hafa mótandi áhrif á skólann okkar frá byrjun.                                                 Ágúst Jakobsson, skólastjóri

Þriðjudaginn 16. september kom Steini Pé með umferðarfræðslu í 1. bekk. Hann ræddi um örugga leið til og frá skóla og þær hættur sem leynast í umferðinni. Hann lagði líka mikla áherslu á að börn færu beint heim til sín eftir skólatíma nema annað hafi verið ákveðið fyrirfram. Hér má sjá myndir frá heimsókninni.

Nemendur 6. bekkjar HB fóru í sjóferð með Húna II í morgun.

Skólastjórinn leit inn í íþróttahús skólans þar sem yngsti flokkur drengja í handbolta var að hefja æfingu.

Á umhverfisdeginum að hausti er keppt um titilinn Náttúrufræðingur Síðuskóla. Keppnin fer þannig fram að nemendur sjá myndir af fuglum, plöntum og landslagi eða stöðum á Íslandi...