ÍSAT

Ágætu foreldrar

Í ljósi nýjustu tilmæla Almannavarna þarf að endurskoða skipulag skólastarfs frá og með þriðjudeginum 24. mars. Sóttvarnir eru forgangsmál hjá öllum í samfélaginu og eiga þær við allsstaðar og alltaf. Hólfun skóla verður enn markvissari en verið hefur og tekið verður fyrir allan ónauðsynlegan samgang á milli þeirra hvort sem um nemendur eða starfsfólk er að ræða.

Nú er okkur gert að fækka í hópum eldri nemenda og skólar munu því vinna samkvæmt því sem hér segir:

-        1.-4. bekkur verður áfram fram til hádegis í skólanum skv. sama skipulagi og verið hefur

-        5.-7. bekk verður skipt í tvo hópa og mæta nemendur annan hvern dag samkvæmt nánara skipulagi sem ykkur berst frá hverjum skóla.

-        8.-10. bekkur verður alfarið í heima- og sjálfsnámi með aðstoð kennara

Eindregin tilmæli eru um að þeir foreldrar sem eru heima yfir daginn og geta haft börn sín heima geri það. Það styrkir enn frekar sóttvarnir og auðveldar starfsfólki að halda uppi reglubundnu starfi.

Bestu þakkir fyrir ríkan skilning á stöðunni og það er gott að finna hvernig samtakamátturinn fleytir okkur áfram við aðstæður sem þessar.

Karl Frímannsson

sviðsstjóri fræðslusviðs Akureyrarbæjar

Kaffistofum starfsfólks í skólanum hefur verið fjölgað í samkomubanninu. Á einni þeirra voru bakaðar vöfflur til að létta lundina.

Hér má sjá myndir.

Skólahald hefur gengið mjög vel hjá okkur eftir að samkomubann gekk í gildi. Skólanum hefur verið skipt í svæði sem og skólalóð svo hópar blandist ekki. Foreldrar hafa greinilega undirbúið nemendur vel þannig að þeir hafa tekið breyttum aðstæðum og skipulagi af yfirvegun. Mikil áhersla er lögð á að brjóta skóladaginn upp með útiveru og hreyfingu. Við tökum einn dag í einu og endurskoðum skipulag daglega til að starfsfólki og nemendum líði eins vel og kostur er í þessum nýju aðstæðum. 

Hér má sjá nokkrar myndir. 

Hér má sjá þau bréf sem skólastjóri sendi í morgun á foreldra og forráðamenn varðandi COVID-19. Þetta eru bréf til foreldra/forráðamanna á íslensku, ensku, pólsku. Einnig er hér að finna bréf almannavarna til fræðsluaðila.

Í morgun var haldið skákmót í 4. og 5. bekk. Í vetur hefur verið skákkennsla í 3. – 5. bekk sem hefur verið í höndum Áskels Kárasonar. Mótið var vel sótt og eins og myndirnar sýna skein einbeiting úr hverju andliti.

Þar sem búið er að staðfesta COVID-19 smit á Íslandi viljum við benda á viðbragðsáætlun Síðuskóla við heimsfaraldri en hana má finna á heimasíðu skólans undir hagnýtt efni.  Hægt er að fylgjast með gangi mála á vef Almannavarna og Landlæknis.

Viðbragðsáætlunina er að finna hér. 

Í morgun voru tilkynnt úrslit í 100 miða leik skólans en leikurinn er hluti af SMT skólafærni. Alls voru 10 nemendur dregnir út og fóru þeir með Malla og Helgu, deildarstjórum skólans, í heimsókn í Háskólann á Akureyri. Þar voru gerðar tilraunir auk þess sem nemendur fengu áhugaverðan fróðleik um Mars. Að því loknu var farið í Bakaríið við brúnna þar sem allir völdu sér góðgæti. Hér má sjá myndir frá úrslitunum í morgun sem og ferðinni.