ÍSAT

Erasmusverkefnið Traces of Europe sem Síðuskóli er hluti af er nú hálfnað.  Við erum í samstarfi við skóla í Rúmeníu, sem sérhæfir sig í útikennslu, á Ítalíu, sem er framarlega í upplýsingamennt, í Noregi, sem er mikið með sýnileika verkefna, fjórði skólinn er í Póllandi þar sem við lærum „lært í gegnum leik“  Game based learning,  og svo erum við með Byrjendalæsið.Verkefnið gengur nokkuð vel og nú stendur yfir innleiðing GBL eftir heimsókn okkar til Póllands.  Vonandi verða nemendur varir við það þegar á nóvember líður að kennarar nýti það sem Pólland lagði til í verkefniið.Traces of Erope verkefnið heldur áfram þar til vorið 2019 en þá lýkur verkefninu sem vonandi skilur eftir sig einhverjar hugmyndir handa kennurum sem leiða til nýrra kennsluhátta eða öðruvísi nálgunar á kennsluefnið. Traces of Europe merkið er utan á skólanum við innganginn í íþróttahúsið.

Í dag unnu nemendur og kennarar í 7. bekk að því að pakka gjöfum og góðgæti fyrir verkefnið jól í skókassa. Þetta er lokaspretturinn á þessu skemmtilega árvissa verkefni sem 7. bekkur Síðuskóla hefur unnið að síðustu ár. Svo á bara eftir að skila gjöfunum af sér. Nemendur og starfsfólk hafa síðustu vikur safnað saman varningi af ýmsu tagi til að setja í kassana.  Þessu er síðan pakkað niður og merkt stelpu eða strák og svo viðeigandi aldri. Þeir fara síðan sem jólagjafir til fátækra barna í úkraínu. Hér má sjá myndir af innpökkun í dag.

Föstudaginn 13. október er Bleiki dagurinn! Þennan dag hvetur Krabbameinsfélagið alla landsmenn til að sýna samstöðu með þeim konum sem greinst hafa með krabbamein og klæðast bleiku þennan dag.  Stuðningur okkar allra skiptir máli.

Nemendur í 1. bekk taka núna þátt í áhugaverðu verkefni sem kemur frá Háskólanum á Akureyri. Það gengur út á að nemendur úr kennara- og auðlindadeild háskólans koma í sex skipti og kynna náttúruvísindi fyrir nemendum auk þess sem gerðar eru stuttar tilraunir. Fyrsti tíminn var í síðustu viku og voru nemendur mjög áhugasamir og hlakka til að taka þátt í þessu skemmtilega verkefni. Myndir úr fyrsta tímanum má sjá hér.

Í gærmorgun söfnuðust nemendur og starfsfólk skólans á sal þar sem nýtt nemendaráð kynnti sig. Rainer íþróttakennari veitti einnig viðurkenningar fyrir góðan árangur í norræna skólahlaupinu sem fór fram 5. september sl. Þá voru einnig veitt verðlaun fyrir keppnina „Náttúrufræðingur Síðuskóla“ sem fram fór í síðustu viku. Þar tóku þátt nemendur í 2. – 10. bekk. Þeim voru sýndar fimm myndir af fuglum, fimm af plöntum og fimm af stöðum á Íslandi og áttu að skrifa niður á blað nöfn á því sem þeir þekktu. Sá nemandi sem vann í ár er Sóley Brattberg, nemandi í 9. bekk. Aðrir sem fengu verðlaun fyrir góðan árangur voru Úlfur Magni Teitsson 3. Bekk, Kristlaug Eva Wium 8. bekk, Gunnar Brimir Snævarsson 4. bekk, Sigrún Freygerður Finnsdóttir 6. bekk og Tryggvi Snær Hólmgrímsson 9. bekk. Við óskum öllum þessum nemendum innilega til hamingju með árangurinn. Á myndinni má sjá vinningshafa dagsins, en fleiri myndir frá samkomunni má sjá hér.

Síðustu tveir dagar hafa verið uppbrotsdagar í skólanum. Þá var hefðbundin stundaskrá brotin upp og unnin verkefni bæði úti og inni. Markmið þessara daga var að vinna verkefni í tengslum við náttúruna og margir tengdu verkefnin við vatnið en það er þemað okkar fyrir næsta Grænfána. Í dag héldum við svo upp á Dag íslenskrar náttúru en hann er þann 16. september. Verkefnin tókust vel og skemmtu allir sér hið besta eins og sjá má á myndunum sem fylgja.

Krakkarnir í 2.bekk erum búnir að vinna mikið með plöntur og lífsferil þeirra í ágúst og september. Hér eru myndir frá vinnunni með blóm og kartöflur þar sem farið var meðal annars í vettvangsferðir í Krossanesborgir og Listigarðinn. Kartöflurnar voru nýttar í mælingar, myndmennt og kartöflurétti.

Í dag 8. september er alþjóðadagur læsis. Af því tilefni er ýmislegt gert í skólanum til að minna á mikilvægi læsis í okkar samfélagi. Nemendur á yngsta stigi fóru á sal og lásu þar upphátt og hver fyrir annan og aðrir hlustuðu af athygli og fylgdust með myndum og texta af tjaldi.  Á miðstigi skrifuðu nemendur ýmis skilaboð til íbúa hverfisins og settu í bréfalúgur eða póstkassa og hengdu orðsendingar á ljósastaura. Nemendur 7. bekkjar heimsóttu Lögmannshlíð og lásu upphátt fyrir íbúa þar. Á unglingastigi veltu nemendur upp ýmsum spurningum er varða mikilvægi og gagnsemi læsis. Unnið var í hópum og afraksturinn svo kynntur samnemendum. Myndir frá deginum og myndir frá Lögmannshlíð Læsi er lykillinn er nú heimasíða með læsisstefnu leik- og grunnskólanna á Akureyri. Heimasíðan er öllum opin slóðinni lykill.akmennt.is. Læsisstefnan og vefsíðan eru unnar í góðu samstarfi leik- og grunnskólanna á Akureyri, fræðslusviðs Akureyrarbæjar og Miðstöðvar skólaþróunar við Háskólann á Akureyri.  Foreldrar eru mikilvæg fyrirmynd þegar kemur að lestri.

Miðvikudaginn 6. september hefst átakið GÖNGUM Í SKÓLANN sem er verkefni á landsvísu. Allir eru hvattir til að koma gangandi eða á hjólum í skólann eða nota almenningssamgöngur sem eiga lengri leið að fara. Hægt er að lesa um verkefnið hér.