Fréttir

Hér má sjá myndir frá bleika deginum. Nemendur og starfsmenn voru hvattir til að mæta í bleiku til að sýna samstöðu í baráttunni gegn krabbameini.

Í dag var umbun hjá 7. bekk, slegið var upp stærðarinnar kökuveislu. Það voru að vonum allir sáttir og kökurnar runnu ljúft niður. Hér má sjá myndir. 

Í morgun var haldin rýmingaræfing í skólanum. Æfingar sem þessar eru nauðsynlegar í starfinu til að fara reglulega yfir verklag komi til rýmingar. Tilgangurinn er að auka öryggi nemenda og starfsfólks í skólanum. Hins vegar er nauðsynlegt að fara yfir þessa hluti líka heima og ræða í leiðinni mikilvægi þess að fara eftir því skipulagi sem fylgir æfingu sem þessari. Í vikunni var farið í 1. bekk með fræðslu um tilgang æfingarinnar, verklagið var kynnt og að lokum höfð æfing þar sem ferlið var æft. Þetta er gert til að undirbúa yngstu nemendurna undir æfinguna sjálfa og gefa þeim kost á að ræða hlutina og spyrja spurninga. Æfingin í morgun gekk vel og stóðu nemendur sig vel og voru öll viðbrögð þeirra fumlaus og örugg. Hér má sjá myndir frá æfingunni og einnig frá því þegar 1. bekkur var með sína æfingu sl. þriðjudag.

Hér má skoða skemmtilegar myndir úr íþróttatíma hjá 1., 3. og 4. bekk. 

Það var heldur betur líflegt í Glerárlaug í gær þegar 1. og 3. bekkur voru í sundkennslu. Vatnsgusurnar gengu í allar áttir og gleði skein úr hverju andliti. Við fengum þessa skemmtilegu myndasendingu frá íþróttakennurum.  

Nemendur úr 1. bekk fóru í Skautahöllina í dag og fengu skautakennslu. Nemendur stóðu sig virkilega vel og  höfðu mjög gaman af þessari tilbreytingu. 

Kennararnir tóku nokkrar myndir sem sjá má hér.

Krakkarnir í 1. bekk fóru í útikennslu í morgun. Þar var unnið bæði í tónmennt og myndmennt. Unnið var með takt með því að klappa, stappa og tromma, í myndmenntinni var fræðsla um kol og svo unnið með þau. Hér er að finna skemmtilegar myndir. 

Nemendur í 2. bekk unnu að skemmtilegu verkefni í morgun. Hver nemandi fékk uppblásna blöðru sem hann límdi dagblöð utan á og gerði sinn eigin hnött. Eins og sést á myndinni skein einbeiting úr hverju andliti.

Þriðjudaginn sl., 22. september var gerð úttekt á skólanum vegna endurnýjunar Grænfánans. Í þetta skipti var úttektin rafræn vegna aðstæðna í samfélaginu. Allt gekk að óskum og Síðuskóli fékk áttunda fánann afhentan við tækifærið. Vel gert hjá umhverfisnefndinni og Sigrúnu Birnu kennara, sem er í forsvari hennar.

Í gær var Dagur íslenskrar náttúru og fóru nemendur að því tilefni í vettvangsferðir og unnu verkefni og fræddust um náttúruna í leiðinni. Náttúrufræðingur Síðuskóla fór einnig fram, en það er keppni þar sem nemendur skólans eiga að 5 greina plöntur, 5 fugla og 5 staði eða kennileiti á Íslandi. Í ár varð Bergdís Birta Þorsteinsdóttir í 8. bekk hlutskörpust og fær því titilinn Náttúrufræðingur Síðuskóla árið 2020 – 2021.

Einnig hlutu þau Una Lind Daníelsdóttir 3. bekk, Emil Orri Vatnsdal Sveinsson 3. bekk, Óliver Andri Einarsson 3. bekk, Aldís Þóra Haraldsdóttir 10. bekk, Anika Snædís Gautadóttir 6. bekk og Sveinar Birnir Sigurðsson 7. bekk viðurkenningu fyrir góðan árangur. Við óskum öllum verðlaunahöfum innilega til hamingju með góðan árangur.

Hér má sjá myndir frá verðlaunaafhendingu á sal sem fram fór í morgun.