ÍSAT

Boðið verður upp á hafragraut í skólanum fyrir nemendur, þeim að kostnaðarlausu. Fyrsti grautardagurinn verður mánudaginn 3. september og verður tilbúinn klukkan 7:45. Það verður gaman að sjá hvernig til tekst og hvort framhald verður á.

Miðvikudaginn 29. ágúst verða mikil hátíðahöld á Akureyri og allir skólar fara þá um morguninn niður á torg. Skólabörnin færa Akureyrarbæ mósaikverk sem þau gerðu í vor, skemmtiatriði verða á sviði og allir fá af afmælisköku Akureyrarbæjar og mjólk í boði MS. Mikilvægt er að búa börnin eftir veðri því að allur skólinn mun ganga fylktu liði frá Síðuskóla og niður á torg. Skólarnir hafa valið sér liti og Síðuskóli er GRÆNN. Vinsamlega klæðið börn ykkar í eitthvað grænt eða látið þau bera eitthvað grænt ef ekki eru til föt í þeim lit. Húfur, treflar eða  eitthvað sem grænt er. Lagt verður af stað frá skólanum upp úr klukkan níu og þá verða nemendur búnir að borða nestið. Við hvetjum alla nemendur til að mæta með góða skapið og skemmta sér með öllum hinum grunnskólunum.

Fimmtudaginn 31. maí var nemendum, kennurum og starfsmönnum við skóla Akureyrar­bæjar veitt viðurkenning fyrir að hafa skarað fram úr í starfi. Þetta er í þriðja sinn sem skólanefnd stendur fyrir samkomu sem þessari en hún er í samræmi við áherslur í skólastefnu Akureyrarbæjar. Helena Ósk Hilmarsdóttir nemandi í Síðuskóla hlaut viðurkenningu fyrir ótrúlega þrautseigju og dugnað. Helena gefst aldrei upp þó að á móti blási en hún glímir við líkamlega fötlun. Alltaf jákvæð og glöð í bragði. Flott stelpa í alla staði. Hafdís Kristjánsdóttir, deildarstjóri í Síðuskóla hlaut viðurkenningu fyrir frumkvöðlastarf í umhverfismálum. Hafdís hefur verið leiðandi í umhverfismálum skólans sem er grænfánaskóli og hefur verið undanfarin 6 ár. Hafdís hefur verið leiðandi í því verkefni enda mikill eldhugi um umhverfismál almennt.

Umbun áttunda bekkjar Í síðustu viku tóku nemendur áttunda bekkjar út umbun sem þau höfðu unnið sér inn. Siggi lánaði grill og garð og mættu allir með eitthvað á grillið. Veðrið lék við hópinn og nutu nemendur sín í blíðunni. Hér má sjá myndir frá þessum frábæra degi.  

Fimmtudaginn 31. maí síðastliðinn fór 5. bekkur í vatnsstríð á skólalóðinni. Kennararnir skemmtu sér ekki minna en nemendurnir og urðu allir vel blautir. Myndir má sjá hér.