ÍSAT

Í gær var haldin hin árlega flokkunarkeppni. Þá keppa bekkirnir milli sín um að flokka sem réttast og á tíma. Gaman að sjá hvað krakkarnir okkar hafa gaman af því að taka þátt í þessari keppni og þetta er að sjálfsögðu lærdómur í leiðinni. Að þessu sinni sigraði 9. bekkur en 1. og 7. bekkur unnu á sínu stigi. Árgangurinn fær köku í lok skóladagsins. Sjá myndir frá keppninni hér.

Litið var inn í miðstigsval í Síðuskóla í dag. Þar eru nemendur að sýsla margt áhugavert þessa dagana, m.a. undirbúning fyrir Barnamenningarhátíðina sem haldin er vítt og breytt um Akureyri dagana 1.-27. apríl. Þetta er í annað sinn sem nemendur miðstigs í Síðuskóla taka þátt með formlegum hætti, búa til muni sem þau selja til styrktar góðs málefnis. Í ár á ágóðinn að renna til Barnadeildar Sjúkrahússins á Akureyri. Í fyrra söfnuðu nemendur Síðuskóla 500.000.- sem þau gáfu einnig til Barnadeildar Sjúkrahússins á Akureyri. Markmið Barnamenningarhátíðar á Akureyri er að hvetja börn og ungmenni til virkrar þátttöku í menningarstarfi og veita þeim tækifæri til að njóta lista og menningar. Sérstök áhersla er lögð á verkefni sem efla sköpunarkraftinn. Árlega er allur aprílmánuður helgaður Barnamenningarhátíð á Akureyri. Sjá myndir hér.

Við tökum fagnandi á móti nýju ári, 2025, sem hafið er og mun eflaust færa okkur í Síðuskóla góða blöndu af spennandi, skemmtilegum og krefjandi verkefnum. Hlökkum til samstarfsins þennan seinni hálfleik skólaársins.

Minnum á mikilvægi þess að nota endurskin á dimmum morgnum svo öll séu sýnileg; sem og varfærni og tillitsemi í umferðinni til og frá skólanum. Flýtum okkur hægt inn í nýja árið :)