ÍSAT

Skólaslit Síðuskóla verða mánudaginn 5. júní. Árgangar mæta í heimastofur og fara þaðan saman á sal. Skólastjórinn kveður fyrir hönd skólans, síðan fara nemendur í sínar heimastofur þar sem hópurinn er kvaddur. Foreldrar eru að sjálfsögðu velkomnir með sínum börnum. Við miðum við að skólaslitin taki eina klukkustund. Tímasetningar eru sem hér segir:

• Klukkan 9:00 1.-5. bekkur
• Klukkan 10:00 6.-9. bekkur

Útskrift 10. bekkjar kl. 15:00 í Glerárkirkju og kaffi í skólanum á eftir.

Í gær komu verðandi 1. bekkingar í heimsókn í Síðuskóla í fylgd foreldra/forráðamanna. Á meðan foreldrarnir fengu fræðslu um skólann fóru nemendur í sínar stofur í fylgd kennara. Áhuginn skein af þessum flotta hópi verðandi nemenda skólans og ekki annað að sjá en að allir væru tilbúnir að hefja skólagöngu í ágúst. Hér má sjá myndir frá heimsókninni.

Föstudaginn 19. maí er er skipulagsdagur í Síðuskóla.  Þá er engin kennsla en Frístund er opin allan daginn. 

Friday 19th of May the students will not come to school since the staff works on planning next weeks. 

Frístund is open for those children who are registered. If you are not sure about registering your child, you should make contact to Silfá.

Góðgerðarhlaup UNICEF fór fram í vikunni. Hlaupið gekk virkilega vel fyrir sig og nemendur einstaklega duglegir að hlaupa og safna í leiðinni fyrir gott málefni. Við minnum á söfnunarsíðuna, sjá hér:

https://sofnun.unicef.is/participant/godgerdarhlaup-siduskola-9-og-10-mai-2023
Eins og sést á söfnunarsíðunni gengur söfnunin vel og hafa nú þegar safnast hátt í 200 þúsund krónur.

Hér má sjá myndir frá hlaupinu.

Fræðslu- og lýðheilsuráð Akureyrarbæjar boðaði til samverustundar í Brekkuskóla gær þar sem nemendum og starfsfólki leik-, grunn- og tónlistarskóla Akureyrarbæjar voru veittar viðurkenningar fyrir framúrskarandi skólastarf. Úr Síðuskóla hlutu þau Anna Lilja Hauksdóttir þroskaþjálfi, Veronika Guseva íþróttakennari, Helena Lind Logadóttir nemandi í 6. bekk og Kevin Prince Eshun nemandi í 7. bekk viðurkenningu fræðslu- og lýðheilsuráðs. Við óskum þeim innilega til hamingju, svo sannarlega verðskulduð viðurkenning!