Í morgun fékk miðstigið heimsókn. Þar var kominn rithöfundur og kennari úr Reykjavík, hann Bergþór Ólafsson og las uppúr nýrri bók sinni Draumar. Bók sem fjallar um krakka í 7. bekk og það sem drífur á daga þeirra. Hann gaf skólanum eitt eintak sem við þökkum kærlega fyrir. Bókasafnið keypti einnig nokkur í viðbót svo fleiri fái notið í einu.
Foreldrafélag Síðuskóla gaf skólanum nýtt og veglegt taflborð til afnota á bókasafni skólans. Það barst í liðinni viku og hefur þegar verið mikið nýtt af nemendum í frímínútum. Bókasafnskennari þakkar foreldrafélaginu kærlega fyrir hönd skólans og nemendanna fyrir þessa höfðinglegu og góðu gjöf.
Hér má sjá myndir af því, það má snúa plötunni við og spila Lúdó :)
Minnum á að Frístund er opinn 22. og 23. desember, 29. og 30. desember, Frístund er lokuð 2. janúar á skipulagsdegi.
Beinn sími í Frístund er 461-3473.
Skrifstofan og skólinn er lokaður að öðru leyti þessa daga.
Bendum á tölvupóstfang skólans siduskoli@siduskoli.is
Hér er fjöldi mynda frá Litlu jólum Síðuskóla 2025. Við áttum notalega stund á sal þar sem við hlýddum á söng 2. bekkjar og sáum frumsamið jólaleikrit frá leiklistavali miðstigsins. Svo var dansað og sungið saman í íþróttasal Síðuskóla.
Gleðileg jól
Árlega er efnt til spurningakeppni milli árganga unglingastigsins. Í ár varði 9. bekkur naumlega titilinn frá því í fyrra. Sjá myndir hér
Litlu jólin verða föstudaginn 19. desember. Allir nemendur koma í skólann kl. 9.00 og fara heim um kl. 11.00. Dagskrá verður á sal þar sem nemendur í leiklistarvali á miðstigi sýna jólaleikrit og einnig er samvera í heimastofum. Að lokum hittast svo allir í íþróttasalnum og ganga saman í kringum jólatréð.
Frístund er opin þennan dag fyrir þá sem þar eru skráðir.
Í morgun var árlegur jólasöngsalur þar sem Heimir leiddi nemendur og starfsfólk í gegnum okkar skemmtilegustu jólasöngva, svona til að koma okkur í jólagírinn fyrir helgi. Eins og sjá má á myndum var svaka stuð og stemning en líka ljúft og gaman í rólegri lögunum. Sjá má myndir hér.
Í dag var jólaföndurdagur í Síðuskóla. Allt hefðbundið starf er þá lagt til hliðar og við mætum í einhverju jólalegu í skólann og föndrum saman. Allir fengu heitt kakó og að leika sér í íþróttasalnum. Ýmislegt fallegt var föndrað sem ratar vonandi heim eða jafnvel í jólapakkann :) Hér eru myndir frá deginum sem sýnir vel hvað uppbrotið var kærkomið og skemmtilegt.
