ÍSAT

English below:

Heil og sæl
Á morgun 24. október er kvennafrídagurinn 50 ára og haldið verður upp á það með samstöðufundi á Ráðhústorgi kl. 11.15. Mikil hvatning er í samfélaginu til kvenna og kvára að taka þátt í hátíðarhöldunum. Við munum þess vegna þurfa að gera breytingar á skólastarfinu á morgun. Nemendur í 5. - 10. bekk fara heim kl: 11:00 úr skólanum en munu fá að borða áður. Nemendum í 1. - 4. bekk verður sinnt af því starfsfólki sem við höfum til umráða eftir þann tíma en ef þið hafið tök á því að sækja börnin ykkar milli kl. 11 og 11.15 þá væri það gott fyrir okkur. Frístund verður opin en við mælumst til þess að þeir sem geta sótt börn sín geri það, þar sem mönnun verður í lágmarki. Við ítrekum það að matur verður í boði fyrir fyrir alla nemendur.
Með kveðju úr skólanum,
stjórnendur

Hello,

Tomorrow, October 24, marks the 50th anniversary of the Women’s Day Off, which will be celebrated with a solidarity gathering at Ráðhústorg at 11:15 a.m. There is strong encouragement across society for women and non-binary people to take part in the celebration.

We will therefore need to make some adjustments to the school schedule tomorrow. Students in grades 5–10 will go home at 11:00 a.m., but will have lunch before they leave. Students in grades 1–4 will be supervised by the staff available after that time, but if you are able to pick up your children between 11:00 and 11:15, it would be greatly appreciated.

The after-school program will remain open, but we encourage parents who can pick up their children to do so, as staffing will be limited. Please note that lunch will be provided for all students.

Best regards,
School Administration

Í dag fögnuðu nemendur og starfsmenn bleika deginum með því að klæðast bleiku. 

Bleiki dagurinn er hluti af Bleikum október sem er árlegt árvekni- og fjáröflunarátak Krabbameinsfélagsins tileinkað baráttunni gegn krabbameinum hjá konum.

Á Bleika deginum eru landsmenn hvattir til að vera bleik - fyrir okkur öll. Bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein og aðstandendur þeirra finni stuðning okkar og samstöðu.

Myndir frá deginum

Í dag og á morgun eru þemadagar í Síðuskóla. Þá er hefðbundin kennsla lögð niður og nemendur vinna við hin ýmsu verkefni sem tengjast árshátíðinni og Hrekkjavökunni. Sjá myndir frá fyrri deginum hér.

Myndir frá seinni deginum.

Nú stendur yfir lestrarátak í Síðuskóla sem er skipulagt af læsisnefnd skólans. Hver og einn nemandi safnar laufblöðum fyrir heimalestur og fæst laufblað fyrir hverjar lesnar 30 mínútur. Laufblöðin festa nemendur síðan á tré sem búið er að útbúa í gluggum í matsalnum. Með hverju laufblaði fylgir lukkumiði sem nemandi fyllir út með nafni og bekk og settur er í þar til gerðan kassa. Dreginn er út einn nemandi á hverju stigi úr pottinum í lok hverrar viku og hljóta hinir heppnu smá glaðning. Átakið stendur til 24. október nk., við hvetjum alla nemendur til vera duglega að lesa heima og vonumst til að fylla matsalinn af fallegum trjám og laufblöðum.