ÍSAT

Í dag var síðasti skóladagur nemenda í Síðuskóla þetta skólaárið. Nemendur fóru út um allan bæ og  unnu ýmis verkefni. Þegar krakkarnir fóru að tínast aftur í hús upp úr hálf tólf biðu þeirra grillaðar pylsur og safi sem þau gerðu góð skil.  Smelltu hér til að skoða myndir.                      

Í dag 4.júní var ljósmyndamaraþon í 8.bekk þar sem ýmis hugtök voru fönguð með ljósmyndatækni nútímans, þ.e.a.s. símum nemenda. Myndirnar voru misgóðar eins og gengur en hér eru sýnishorn af því hvernig þau unnu út frá hugtökunum. Dagurinn heppnaðist vel og margar mjög skemmtilegar myndir bárust.  Úrslit verða kunngjörð á morgun á skólaslitum og myndasyrpa sigurvegaranna verður þá jafnframt birt á heimasíðunni.

Síðustu skóladagarnir eru alltaf svolítið öðruvísi. Þá fara nemendur út og vinna ýmis verkefni eða skoða og kynnast einhverju spennandi í umhverfinu. 5. bekkur er búinn hafa í nógu að snúast og hér má sjá hvað þau hafa verið að gera og nokkrar myndir frá þeirra ferðum og ævintýrum.   Fullt af skemmtilegum myndum má sjá hér.

Skólaslit í Síðuskóla vorið 2015 verða föstudaginn 5. júní. 1. - 4. bekkur mætir klukkan 9.00 á sal Síðuskóla. 5. - 9. bekkur mætir klukkan 10.00 á sal Síðuskóla. 10. bekkur klukkan 15.00 í Glerárkirkju. Að útskriftarathöfn lokinni er kaffi og meðlæti í Síðuskóla í boði 10. bekkjar.  

Þrátt fyrir dumbungsveður í morgun drifu krakkarnir í 1. bekk sig út og settu niður kartöflur í einn innigarðinn. Þau klæddu sig vel, munduðu skóflur og hrífur og potuðu svo útsæðinu niður. Nú er bara að bíða eftir uppskerunni með haustinu. Hér má sjá myndir.

Í þessu fréttabréfi má sjá skipulag á umhverfisdögum, fyrirkomulag skólaslita og fréttir úr skólalífinu þessa síðustu daga. Hér má sjá fréttabréfið. 

Þann 26. maí veitti skólanefnd Akureyrar viðurkenningar nemendum og starfsfólki leik- og grunnskóla, sem skarað hafa fram úr í skólastarfi. Fræðslustjóri, Soffía Vagnsdóttir, bauð gesti velkomna og formaður skólanefndar, Bjarki Ármann Oddsson, afhenti viðurkenningar. Sóley Brattberg Gunnarsdóttir, nemandi í Síðuskóla hlaut viðurkenningu. Einnig hlaut Foreldra- og kennarafélag Síðuskóla  viðurkenningu fyrir jákvæðan og öflugan stuðning við skólastarfið. Til hamingju öll. Hér má sjá nánari fréttir af viðurkenningunum.