Fréttir

Í þessari viku fór 100 miða leikurinn af stað sem er árlegur viðburður í skólastarfinu. Leikurinn stendur yfir í tvær vikur og er markmiðið með honum að hvetja nemendur til að fara eftir SMT skólareglunum. Starfsmenn gefa 10 nemendum á dag sérstaka hrósmiða sem eru settir á spjald með reitum merktum frá 1 til 100. Búið er að velja vinningsröð á spjaldinu og kemur svo í ljós í lok leiks hvaða nemendur eru í vinningsröðinni. Leiknum lýkur föstudaginn 20. mars og sigurvegarar verða tilkynntir á söngsal fimmtudaginn 26. mars. 

Uppháttt - upplestrarkeppni grunnskólanna á Akureyri fór fram í Brekkuskóla þriðjudaginn 10. mars. Okkar fulltrúar voru Aníta Þórunn og Vilborg Harpa í 7. bekk. Þær stóðu frábærlega eins og öll hin sem tóku þátt. Vinningshafi í ár var Hákon Geir úr Lundarskóla, Birgitta Ósk Brekkuskóla hlaut 2. sæti og Friðrik Örn Glerárskóla hreppti 3. sæti. Óskum við þeim öllum til hamingju.

Nemendur tóku þátt í Lífshlaupinu, heilsu- og hvatningarverkefni Íþrótta- og Ólympíusambands Íslands, fyrstu vikurnar í febrúar. Fyrirkomulagið var með öðru sniði nú í ár í en venjulega en Síðuskóli var þátttakandi í tilraunaverkefni með ÍSÍ sem fólst í því að hreyfingin fór að mestu fram innan skólans á skólatíma. Margar skemmtilegar útfærslur urðu á þessum hreyfistundum og hér má sjá nokkrar myndir af nemendum í allskonar sprikli.

Starfsfólk Síðuskóla tók einnig þátt í Lífshlaupinu dagana 14.-28. febrúar, í flokki vinnustaða með 70-149 starfsmenn. Og starfsmenn tóku vel á því þessar vikur því liðið endaði í 12.sæti á landsvísu og var efst liða frá Akureyri í vinnustaðakeppninni. Vel gert og til hamingju öll, nemendur og starfsfólk, með góðan vilja til hreyfinga og útiveru. Áfram svona :)

Söngkeppni FÉLAK (Félagsmiðstöðvar Akureyrar) fór fram í Brekkuskóla fimmtudaginn 26. febrúar síðastliðinn. Þar stigu á stokk fimm fræknar stúlkur úr 10. bekk Síðuskóla, þær Nína, Arna, Nadia, Kolbrún og Vala og munu þær verða fulltrúar Undirheima á NorðurOrgi, norðlensk forkeppni Söngkeppni Samfés, sem haldin verður á Ólafsfirði þann 13. mars næst komandi. Öllum nemendum á unglingastigi stendur til boða að fara og fylgjast með keppninni á Ólafsfirði og ættu forráðamenn að hafa fengið póst varðandi það.

Í morgun fóru fram úrslit í 7. bekk fyrir Upphátt - stóru upplestrarkeppnina á Akureyri. Í hana fara tveir fulltrúar frá hverjum skóla en hún fer fram 10. mars kl. 15 í Brekkuskóla. Keppnin var afar spennandi enda allir krakkarnir mjög frambærilegir í upplestri og höfðu æft sig vel. Dómarar í ár voru Jónína Sveinbjörnssdóttir og Bragi Bergmann, fyrrum kennarar við skólann. Niðurstaðan var sú að Aníta Þórunn og Vilborg Harpa verða fulltrúar okkar í ár og óskum við þeim til hamingju og hlökkum til að fylgja þeim eftir í Brekkuskóla eftir 11 daga. 

Sjá myndir hér

Sæl og blessuð.
Búningaball verður í Síðuskóla, miðvikudaginn 25. febrúar, gengið inn hjá íþróttahúsinu.
1.-4. bekkur kl. 16:00-17:30
5.-7. bekkur kl. 18:00-19:30
Það kostar 1000 krónur inn á ballið. Ágóði ballsins rennur í ferðasjóð 10. bekkinga.
Sjoppa verður á staðnum.

Hello everyone,

There will be a costume party at Síðuskóli on Wednesday, February 25. Entrance is through the sports hall.

Grades 1–4: 16:00–17:30
Grades 5–7: 18:00–19:30
It costs ISK 1000 to enter the ball. The profit goes to the travel fund for the 10th graders.
There will be a shop where the kids can buy some candy and drinks.

Kveðja, 10. bekkur Síðuskóla

Vel heppnaður útivistardagur í Hlíðarfjalli í dag. Það var ansi napur í fjallinu en samt ekki hægt að kvarta undan veðri og færi til útivistar. Allir fundu sér eitthvað við að vera, margir prófuðu gönguskíði sem var i boði allan daginn undir stjórn Veroniku íþróttakennara. Svo var gott að fara aðeins inn á milli að ylja sér og fá sér nesti. Góður dagur að baki einsog sjá má á myndum.

Það er kalt en stillt veður og útivistardagur í dag samkvæmt áætlun.