Fréttir

Í dag var fyrri þemadagurinn af tveimur þar sem nemendur og starfsfólk vinna að öðrum verkefnum en hefðbundnu skólastarfi. Fyrir dyrum stendur árshátíðin okkar þannig margir hópar eru í óða önn að undirbúa leikmyndir og búninga, skrifa handrit og æfa söngva. Svo er líka tími til annarra skemmtilegra verkefna á svona dögum, einsog hjá 2. bekk sem fór út að plokka í góða veðrinu  og 7. bekkur undirbjó hið árlega verkefni "Jól í skókassa" sem 7. bekkur Síðuskóla hefur séð um undanfarin ár.

Hér má sjá skemmtilegar myndir frá öllum árgöngum í dag. 

Í morgun hittumst við öll á sal því tilkynna átti úrslit í Göngum í skólann og Svakalegu lestrarkeppninni.

Í ár var það 9. bekkur sem hlaut bikarinn eftirsótta í Göngum í skólann og fá í verðlaun að fara á skauta í Skautahöllinni.

Steinar sagði að nánast allir bekkir hefðu hækkað hlutfall sitt í virkum ferðamáta milli ára og hvatti nemendur til að halda áfram þó veturinn hefði látið á sér kræla í morgun.

Veittar voru viðurkenningar í Svakalegu lestrarkeppninni og fengu 3 efstu í hverjum árgangi viðurkenningu fyrir að draga vagninn í sínum bekk með flestar lesnar mínútur. Sjáum mynd af lestrarhestum Síðuskóla hér.

Svo var það 3. bekkur sem hlaut titilinn Svakalegasti lestrarbekkur Síðuskóla í ár, þau lásu 750. Þau fá í verðlaun að fara í fimleikasalinn í Giljaskóla. Til hamingju krakkar. 

Hér má sjá fleiri myndir frá morgunstundinni.

Í dag heimsótti menntamálaráðherra, Inga Sæland, Síðuskóla ásamt fríðu föruneyti. Ólöf skólastjóri, Helga og Malli deildarstjórar tóku á móti þeim. Aðrir gestir voru Kristín fræðslustjóri; Óðinn Svan formaður bæjarráðs.

Tilefnið var að kynna sér hið góða starfs sem fer fram í skólanum en þó sérstaklega sérdeildir okkar. Fyrst var snæddur hádegisverður með 6. bekk. Því næst kíkti Inga Sæland við í myndmennt í 7. bekk og skoðaði svo geisigóða kartöfluuppskeru 2. bekkjar. Svo lá leiðin inn í Ásinn, sérdeild yngsta stigs þar sem hún ræddi Sigurlaugu deildarstjóra. Næst var litið við í Ísat stofunni þar sem nemendur 5. bekkjar, frá fimm mismunandi löndum, voru að klára vinnuvikuna sína í Kahoot - málfræðikeppni. Að lokum hitti hún Ingibjörgu og Margréti sérkennara inní Áttunni. Á leið hennar um skólann gripu svo nokkrar stúlkur 9. bekkjar tækifærið og spurðu út í væntanlegt símabann í skólum semog hækkun leyfilegs aldurs á samfélagsmiðla uppí 15. ára. Þær lýstu áhyggjur sínum af málinu og Inga gaf sér góðan tíma að spjalla við þær og útskýra hvað liggur að baki.

Skemmtileg heimsókn í okkar góða skóla: Síðuskóla, sjá myndir hér.