Fréttir

Ball í Síðuskóla föstudaginn 17.1.nk.

Föstudaginn 17. janúar verður ball í Síðuskóla fyrir unglinga á Akureyri (8.-10. bekk). Miðaverð er 1000 krónur og húsið opnar klukkan 20:30. Er þetta liður í fjáröflun 10. bekkjar fyrir skólaferðalag. DJ Stórleikurinn heldur upp stuðinu til klukkan 23:30.

Lesa meira

Breytingar á lesfimiprófum Menntamálastofnunar í janúar 2020

Frá Menntamálastofnun: Undanfarin ár hafa lesfimipróf frá Menntamálastofnun verið notuð í ykkar skóla og þið hafið fengið upplýsingar um niðurstöðurnar í vegnum orðum á mínútu. Það þýðir að lesinn orðafjöldi er stilltur af út frá þyngd textans. Nú þegar töluverð reynsla er komin á prófin er tímabært að endurskoða þau og þróa enn frekar. Hingað til hafa nemendur lesið A-textann í september og maí og B-textann í janúar en nú verður B-textinn tekinn út svo nemendur lesa A-textann í öll þrjú skiptin. Þetta gerir túlkun mun auðveldari og gefur ykkur réttari mynd af þróun lestrarfærninnar. Þessar breytingar hafa þau áhrif að uppfæra þarf töflu sem reiknar vegin orð á mínútu og mun það hafa afturvirk áhrif á nokkurn hóp nemenda þannig að niðurstaðan frá í september getur hliðrast upp eða niður um þrjú orð. Því gæti orðið misræmi á útprentanlega einkunnablaðinu sem þið hafið þegar í höndunum frá síðastliðnu hausti og því sem þið fáið eftir janúarprófin.
Lesa meira

Jólakveðja frá Síðuskóla

Starfsfólk Síðuskóla óskar nemendum, foreldrum og öðrum velunnurum skólans gleðilegrar jólahátíðar og farsældar á nýju ári með þökk fyrir gott samstarf á árinu sem er að líða. Minnum á að skólahald hefst aftur skv. stundaskrá mánudaginn 6. janúar.
Lesa meira

Jólaballi 1. - 4. bekkjar frestað

Jólaballi 1. - 4. bekkjar sem vera átti í dag er frestað.
Lesa meira

Skólahald með eðlilegum hætti á morgun

Skólahald verður í öllum skólum bæjarins á morgun, fimmtudag, samkvæmt dagskrá. Búast má við að hluti starfsfólks eigi í erfiðleikum með að komast til vinnu í fyrramálið og að öll umferð gangi hægar fyrir sig en venjulega. Foreldrar skulu sjálfir meta aðstæður og ef erfitt er að koma til skóla strax í fyrramálið munu skólastjórnendur sýna því skilning. Þó er eindregið óskað eftir því að starfsfólk viðkomandi skóla sé látið vita að börnin séu á öruggum stað.
Lesa meira

Allt skólahald fellur niður í dag

Skólahald í leik- og grunnskólum Akureyrarbæjar og Tónlistarskólanum fellur niður í allan dag, miðvikudaginn 11. desember, vegna veðurs og ófærðar.
Lesa meira

Skólahald fellur niður í fyrramálið

Skólahald fellur niður til hádegis á morgun, miðvikudaginn 11. desember, í leik- og grunnskólum Akureyrarbæjar og í Tónlistarskólanum á Akureyri. Staða mála og veðurhorfur verða metnar kl. 10 í fyrramálið og ákvörðun tekin um hvort skólahaldi verði alfarið aflýst á morgun. Tilkynning um það verður birt fyrir hádegi.
Lesa meira

Óveður og ófærð

Þar sem veðurspá er slæm fyrir morgundaginn og miðvikudaginn viljum við minna á sameiginlegar verklagsreglur fræðslusviðs fyrir alla grunnskólana á Akureyri þegar óveður og/eða ófærð er í bænum. Með því að smella á fyrirsögn fréttarinnar má sjá þær:
Lesa meira